ସ୍ତ୍ରୀ ଓ ପ୍ରେମିକକୁ ଏକା ସାଙ୍ଗରେ ଦେଖି ସହିପାରିଲାନି ସ୍ୱାମୀ

ଜଳେଶ୍ୱର: ପରକୀୟା ପ୍ରୀତି ସନ୍ଦେହରେ ଯୁବକଙ୍କୁ ଟାଙ୍ଗିଆରେ ହାଣି ହତ୍ୟା ଅଭିଯୋଗ । ବାଲେଶ୍ୱର ଜିଲ୍ଲା ରାଇବଣିଆ ଥାନା ଅନ୍ତର୍ଗତ ଦୁଧିଆଶୂଳ ଗାଁରେ ଏହି ଘଟଣା ଘଟିଛି । ଅଭିଯୁକ୍ତ ରାଇବଣିଆ ଥାନାରେ ଆସି ଆତ୍ମସମର୍ପଣ କରିଛି ।

ତା’ ନାଁ ବିଶ୍ୱମ୍ଭର ବେହେରା, ଘର କାଳୀକ ଗାଁରେ । ବିଶ୍ୱମ୍ଭରର ସ୍ତ୍ରୀ ସହିତ ଜଣେ ଯୁବକର ପ୍ରେମ ସମ୍ପର୍କ ସନ୍ଦେହରେ ଯୁବକଙ୍କୁ ବିଶ୍ୱମ୍ଭର ଟାଙ୍ଗିଆରେ ହାଣି ହତ୍ୟା କରିଥିବା ଅଭିଯୋଗ ହୋଇଛି ।

ମୃତ ଯୁବକଙ୍କ ଘର ମାଙ୍କଡ଼ିଆ ଅଞ୍ଚଳରେ। ରାଇବଣିଆ ପୋଲିସ ବିଶ୍ୱମ୍ଭରକୁ ପଚରାଉଚରା କରିବା ସହ ଅଧିକ ତଦନ୍ତ ଚଳାଇଛି ।