ଜଳେଶ୍ବରରେ ବିଭତ୍ସ ହତ୍ୟା, ରଜରେ ଗୋଡ଼ାଇ ଗୋଡ଼ାଇ ବାପ ପୁଅଙ୍କୁ ହତ୍ୟା

ବାଲେଶ୍ବର: ବାଲେଶ୍ବର ଜିଲ୍ଲା ଜଳେଶ୍ବରରେ ବିଭତ୍ସ ହତ୍ୟା । ରଜରେ ଗୋଡ଼ାଇ ଗୋଡ଼ାଇ ବାପ ପୁଅଙ୍କୁ ହତ୍ୟା । ରାଇବଣିଆ ଥାନା କବାଟଘାଟି ଗାଁରେ ଘଟିଛି ଏଭଳି ଅଭାବନୀୟ ଘଟଣା । ଗାଁର ପ୍ରଫୁଲ୍ଲ ବିନ୍ଦାଣୀ ବାପ, ପୁଅକୁ ହତ୍ୟା କରିଥିବା ଅଭିଯୋଗ ହୋଇଛି । ବାପା ହାରା ବିନ୍ଧାଣି ଓ ପୁଅ କ୍ରିଷ୍ଣା ବିନ୍ଧାଣି ପ୍ରାଣ ହରାଇଥିବାବେଳେ ଅଟକାଇବାକୁ ଯାଇ ଗ୍ରାମର ଜଣେ ବ୍ୟକ୍ତି ଗୁରୁତର ଆହତ ହୋଇଛନ୍ତି । ଗୁରୁତର ହାଡ଼ୁ ସିଂଙ୍କୁ ହାତିଗଡ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଛି । ସରଦାରବନ୍ଦ ପଞ୍ଚାୟତ ବଡଟିକାୟତପୁର ଗାଁର ବାପ-ପୁଅ ରଜରେ କକା ଘରକୁ ଆସିଥିଲେ । ସେଠାରେ ପ୍ରଫୁଲ୍ଲ ବିନ୍ଧାଣୀଙ୍କ ସହିତ କୌଣସି କାରଣକୁ ନେଇ କଥା କଟାକଟି ହୋଇଥିଲା । ଏଥିରେ ଉତକ୍ଷିପ୍ତ ହୋଇ ଗୋଡ଼ାଇ ଗୋଡ଼ାଇ ହାଣିଥିଲେ ପ୍ରଫୁଲ୍ଲ । ଘଟଣାସ୍ଥଳରେ ପହଞ୍ଚି ତଦନ୍ତ ଜାରି ରଖିଛି ରଇବଣିଆ ପୋଲିସ ।