ଗଞ୍ଜାମ ଛତ୍ରପୁର ଥାନା ହଂସପୁର ଗାଁରେ ଚାଞ୍ଚଲ୍ୟ, ବ୍ୟକ୍ତିଙ୍କୁ ପିଟି ପିଟି ହତ୍ୟା

ଗଞ୍ଜାମ: ଗଞ୍ଜାମ ଛତ୍ରପୁର ଥାନା ହଂସପୁର ଗାଁରେ ଚାଞ୍ଚଲ୍ୟ । ହଂସପୁର ଗାଁର ମୁଖ୍ୟରାସ୍ତାରେ ଜଣଙ୍କୁ ବାଡ଼େଇ ବାଡ଼େଇ ହତ୍ୟା । ମୃତକ ହେଲେ ହଂସପୁର ବଡ଼ସାହିର କୃଷ୍ଣ ପରିଡ଼ା  । ସେ ପ୍ରଥମେ ବିବାହ କରିଥିଲେ, କିନ୍ତୁ କିଛି ବର୍ଷ ପରେ ବିବାହ ବିଚ୍ଛେଦ ହୋଇଥିଲା । ପୁଣି ସେ ବିବାହ କରିଥାନ୍ତେ । ମାଆ ଓ ଭଣଜାଙ୍କୁ ନେଇ ତାଙ୍କ ପରିବାର । ସିମେଣ୍ଟ ଦୋକାନ କରି ପରିବାର ଗୁଜରାଣ ମେଣ୍ଟାଉଥିଲେ କୃଷ୍ଣ ପରିଡ଼ା ।

ତେବେ କିଏ ଓ କାହିଁକି କୃଷ୍ଣ ପରିଡ଼ାଙ୍କୁ ହତ୍ୟା କରିଛନ୍ତି, ତାହା ଏ ପର୍ଯ୍ୟନ୍ତ ସ୍ପଷ୍ଟ ହୋଇନାହିଁ । ବିଳମ୍ବିତ ରାତିରେ ଘଟଣା ଘଟିଥିବା ବେଳେ ଘଟଣା ସ୍ଥଳରେ ଛତ୍ରପୁର ପୋଲିସ ପହଞ୍ଚି ଛାନବିନ୍ ଆରମ୍ଭ କରିଛି । ଦୁର୍ବୃତ୍ତ କୃଷ୍ଣଙ୍କୁ ପଛପଟୁ ଅତର୍କିତ ଆକ୍ରମଣ କରିଥିବା ସନ୍ଦେହ କରାଯାଉଛି । ଗୁରୁତର ଅବସ୍ଥାରେ ଛତ୍ରପୁର ମେଡିକାଲକୁ ନିଆଯାଇଥିବା ବେଳେ ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରିଥିଲେ ।