ବଲାଙ୍ଗୀର ଲଡକିପାଲରେ ଅଭାବନୀୟ ଘଟଣା, ଚାଷ ଜମିରୁ ମିଳିଲା ମହିଳାଙ୍କ କ୍ଷତାକ୍ତ ମୃତଦେହ

ବଲାଙ୍ଗୀର: ମହିଳାଙ୍କୁ ବୀଭତ୍ସ ହତ୍ୟା । ବଲାଙ୍ଗୀର ସହରର ୧ ନମ୍ବର ଓ୍ୱାର୍ଡ ଲଡ଼କିପାଲିଠାରେ ମହିଳାଙ୍କୁ ହତ୍ୟା କରାଯାଇଛି । ଘରଠାରୁ କିଛି ଦୂରରେ ଥିବା ଚାଷ ଜମିରୁ ମହିଳାଙ୍କ କ୍ଷତାକ୍ତ ମୃତଦେହ ମିଳିଛି । ମୃତ ମହିଳା ଜଣଙ୍କ ହେଲେ ଅଞ୍ଜନା ପଟେଲ । ଗତକାଲି ସନ୍ଧ୍ୟାରେ ଶୌଚ ପାଇଁ ଯାଇ ଆଉ ଘରକୁ ଫେରିନଥିଲେ ଅଞ୍ଜନା । ଏନେଇ ପରିବାର ଲୋକେ ଖୋଜାଖୋଜି କରିବା ପରେ ଚାଷ ଜମିରେ ରକ୍ତ ଜୁଡୁବୁଡୁ ଅବସ୍ଥାରେ ମୃତ ଦେହ ପଡ଼ିଥିବା ଦେଖିବାକୁ ପାଇଥିଲେ । ମୃତଦେହ ନିକଟରେ ମଦ ବୋତଲ ମଧ୍ୟ ପଡ଼ିଥିବା ଦେଖିବାକୁ ମିଳିଛି । ମଦ ପିଇ ଦୃବର୍ତ୍ତମାନେ ମହିଳାକୁ ଦୁଷ୍କର୍ମ ସହ ହତ୍ୟା କରିଥିବା ପୋଲିସ ଅନୁମାନ କରୁଛି । ତେବେ ଘଟଣାସ୍ଥଳରେ ଟାଉନ୍ ଥାନା ପୋଲିସ ଓ ସାଇଣ୍ଟିଫିକ୍ ଟିମ୍ ପହଞ୍ଚି ତଦନ୍ତ କରୁଛି ।