ଭଟଲି ଥାନା ଝିକିଝିକି ଗାଁରେ ବିଭତ୍ସ ହତ୍ୟାକାଣ୍ଡ, ଗୋଟି, ପରିବାରର ୪ ଜଣଙ୍କୁ ହତ୍ୟା

ବରଗଡ଼: ବରଗଡ଼ ଜିଲ୍ଲା ଭଟଲି ଥାନା ଝିକିଝିକି ଗ୍ରାମରେ ଜଘନ୍ୟ ହତ୍ୟାକାଣ୍ଡ । ଗୋଟିଏ ପରିବାରର ୪ ଜଣଙ୍କୁ ଲୁହା ଛଡ଼ରେ ପିଟିପିଟି ହତ୍ୟା କରିଛି ଦାଦା । ଅଭିଯୁକ୍ତ ଦାଦା ଶିବ ବାଗ ନିଜେ ନିଜ ପୁତୁରା ଗୁରୁଦେବ ବାଗ, ଗୁରୁଦେବଙ୍କ ସ୍ତ୍ରୀ ଶିବାଗ୍ରୀ ଓ ସେମାନଙ୍କ ପୁଅ ଚୁଡାମଣି ଓ ଝିଅ ଶ୍ରାବଣୀଙ୍କୁ ହତ୍ୟା କରିଛି । ହତ୍ୟାକାରୀ ଦାଦା ଶିବ ବାଗକୁ ଗିରଫ କରିଛି ଭଟଲି ପୋଲିସ । ଘର ଭିତରେ ୪ ଜଣଙ୍କ ମୃତଦେହ ପଡ଼ିଥିବା ଦେଖି ପୋଲିସକୁ ଖବର ଦେଇଥିଲେ ଗ୍ରାମବାସୀ ।

ଖବର ପାଇ ଭଟଲି ପୋଲିସ ଘଟଣାସ୍ଥଳରେ ପହଞ୍ଚିବା ପରେ ମୃତଦେହ ପଡିଥିବା ଦେଖିବାକୁ ପାଇଥିଲା । ଜମିବାଡ଼ି ବିବାଦକୁ କେନ୍ଦ୍ର କରି ଗୁରୁଦେବ ଓ ଦାଦା ଶିବ ବାଗ ମଧ୍ୟରେ ଗଣ୍ଡଗୋଳ ଲାଗି ରହିଥିଲା । ଶିବ ବାଗକୁ ପୋଲିସ ପଚରାଉଚରା କରିବା ପରେ ସେ ନିଜେ ଏଭଳି କାଣ୍ଡ ଭିଆଇଥିବା ସ୍ବୀକାର କରିଛି ।