ବାଣପୁରରେ ଚାଞ୍ଚଲ୍ୟ, କଲେଜ ଛାତ୍ରଙ୍କୁ କିଡନାପ କରି ମର୍ଡର

ବାଣପୁର: ବାଣପୁରରେ ଚାଞ୍ଚଲ୍ୟ । କଲେଜ ଛାତ୍ରଙ୍କୁ କିଡନାପ କରି ମର୍ଡର । ବାଣପୁର ଥାନା ଅଞ୍ଚଳରେ ଜଘନ୍ୟ ହତ୍ୟା । ଛାତ୍ରଙ୍କୁ ମାରି ପରିତ୍ୟକ୍ତ କୂଅରେ ଫୋପାଡ଼ିଦେଲେ ଅଭିଯୁକ୍ତ । ମୃତକ ହେଲେ ବଡ଼ହନ୍ତୁଆଡ଼ ଗାଁ ଖମାର ସାହିର ଆଶୁତୋଷ ମହାପାତ୍ର । ସେ ବାଣପୁର ଗୋଦାବରୀଶ ମହାବିଦ୍ୟାଳୟରେ ଯୁକ୍ତ ଦୁଇ ଦ୍ବିତୀୟ ବର୍ଷରେ ପାଠ ପଢୁଥିଲେ । ଗତ ସୋମବାରଠୁ ନିଖୋଜ ଥିଲେ ଆଶୁତୋଷ ।

ଦୁର୍ବୃତ୍ତ ଅପରହଣ କରିନେଇ ଆଶୁତୋଷଙ୍କ ବାପାଙ୍କୁ ଫୋନ ଯୋଗେ ଟଙ୍କା ମାଗିଥିଲେ । ମୁଣ୍ଡ ଜାମିନ ରଖି ୫ ଲକ୍ଷ ଟଙ୍କା ଦାବି କରିଥିଲେ ଅପହରଣକାରୀ । ଏନେଇ ଥାନାରେ ଅଭିଯୋଗ କରିଥିଲେ ଆଶୁତୋଷଙ୍କ ମାଆ । ପୋଲିସ ଅଭିଯୁକ୍ତକୁ ଅଟକ ରଖି ପଚରାଉଚୁରା କରିଥିଲା । ଏହି ସମୟରେ ଆଶୁତୋଷଙ୍କୁ ହତ୍ୟା କରି କୂଅରେ ଫୋପାଡ଼ି ଦେଇଥିବା ସ୍ବୀକାର କରିଥିଲା ଅଭିଯୁକ୍ତ । ଦଉଡିରେ ବେକକୁ ଚିପି ହତ୍ୟା କରି କୂଅରେ ଫୋପାଡ଼ି ଦେଇଥିଲା ଅଭିଯୁକ୍ତ ।