ଅନୁଗୁଳ ଛେଣ୍ଡିପଦା ଥାନା ବାଗଡ଼ିଆ ଗାଁରେ ଚାଞ୍ଚଲ୍ୟ, ମା’କୁ ପିଟି ପିଟି ହତ୍ୟା କଲା ପିଶାଚ ପୁଅ

ଅନୁଗୁଳ: ଟଙ୍କା ଆଗରେ ତୁଚ୍ଛ ହେଲା ସମ୍ପର୍କ । ମା’କୁ ପିଟିପିଟି ହତ୍ୟା କଲା ପିଶାଚ ପୁଅ । ଘଟଣା ଘଟିଛି ଅନୁଗୁଳ ଜିଲ୍ଲା ଛେଣ୍ଡିପଦା ଥାନା ବାଗଡ଼ିଆ ଗାଁ ଦେହୁରୀ ସାହିରେ । ତୁଷାରକାନ୍ତ ଦେହୁରୀ ନାମକ ଜଣେ ଯୁବକ ଗତକାଲି ସନ୍ଧ୍ୟାରେ ମା’ ବିଣାପାଣୀଙ୍କୁ ଟଙ୍କା ମାଗିଥିଲା । ମା’ ଟଙ୍କା ଦେବାକୁ ଅମଙ୍ଗ ହେବାରୁ ସେ ମା’କୁ ପ୍ରବଳ ମାଡ଼ ମାରିଥିଲା । ସାହିପଡ଼ିଶା ସବୁ ଦେଖୁଥିଲେ ହେଲେ ଭୟରେ ପୁଅକୁ ଅଟକାଇବାକୁ ସାହସ କରିପାରିଲେନି । ଆଜି ସକାଳୁ ଘର ବାହାରେ ତାଲା ପଡ଼ିଥିବା ଦେଖି ଲୋକଙ୍କ ସନ୍ଦେହ ହୋଇଥିଲା । କବାଟ ଫାଙ୍କରେ ଦେଖିଲା ବେଳକୁ ଅଗଣାରେ ବୀଣାପାଣିଙ୍କ ମୃତଦେହ ପଡିଥିବା ଦେଖିବାକୁ ମିଳିଥିଲା । ବୀଣାପାଣିଙ୍କ ମୃତଦେହକୁ ଦେଖିବା ପରେ ସ୍ଥାନୀୟ ଲୋକ ପୋଲିସକୁ ଖବର ଦେଇଥିଲେ । ହତ୍ୟାକାରୀ ପୁଅ ଖସି ପଳାଉଥିବା ବେଳେ ଦେବଗଡ ଛକରୁ କାବୁ କଲା ପୋଲିସ ।