ଭାଗ ଛିଡିଲାନି ଜଙ୍ଗଲୀ ଜନ୍ତୁ, ମାଂସ ପାଇଁ ମର୍ଡର

ଢେଙ୍କାନାଳ: ମାଂସ ପାଇଁ ବିଭତ୍ସ ହତ୍ୟାକାଣ୍ଡ । ହିନ୍ଦୋଳ ଅଞ୍ଚଳରେ ଘଟିଛି ଏଭଳି ଏକ ଅମାନବୀୟ କାଣ୍ଡ । ରାସୋଳ ଥାନା କଠକୁମ୍ପା ଗାଁରେ ରହୁଥିବା ମାହ୍ଲର ସମ୍ପ୍ରଦାୟର ଦୁଇ ପରିବାର ମଧ୍ୟରେ ହୋଇଥିଲା ଗଣ୍ଡୋଗଳ । ଜଂଗଲୀ ଜନ୍ତୁର ମାଂସ ଭାଗ ବଣ୍ଟାକୁ ନେଇ ଉଭୟଙ୍କ ମଧ୍ୟରେ ବଚସା ହୋଇଥିଲା। ଏଥିରେ ଉତକ୍ଷିପ୍ତ ହୋଇ କୁମ୍ଭ ବେହେରା ସମ୍ପର୍କୀୟ ଭାଇକୁ କଟୁରୀରେ ହାଣି ହତ୍ୟା କରିଥିବା ଖବର ଜଣାପଡିଛି  ।

ସେପଟେ କଟୁରୀ ଚୋଟରେ  ଘଟଣା ସ୍ଥଳରେ କୁମ୍ଭ ର ମୃତ୍ୟୁ ହୋଇ ଯାଇଥିବା ବେଳେ ଭୟରେ ଉଭୟ ପରିବାର ଜଙ୍ଗଲ ଭିତରକୁ ପଳେଇ ଯାଇଥିବା ଜଣାପଡିଛି। ଅନ୍ୟପଟେ ହତ୍ୟାକାଣ୍ଡ ବିଷୟରେ ଗ୍ରାମବାସୀ ଖବର ପାଇ ପୋଲିସକୁ ଜଣାଇଥିଲେ  । ପରେ ରାସୋଳ ପୋଲିସ୍ ପ୍ରାୟ ୩ ଘଣ୍ଟା ପରେ ଥାନା ଠାରୁ ୧୦ କିମି ଦୂରରେ ଘଟିଥିବା ହତ୍ୟାକାଣ୍ଡ  ସ୍ଥାନରେ ପହଞ୍ଚିଛି  । ଘଟଣା ବିଷୟରେ ତଦନ୍ତ ମଧ୍ୟ ଚଲାଇଛି ପୋଲିସ  ।