ଯୁବକଙ୍କୁ ହତ୍ୟା ଘଟଣା: ୨ ଅଭିଯୁକ୍ତଙ୍କୁ ଗିରଫ କରି ସିନ ରିକ୍ରେସନ କଲା ପୋଲିସ

ଗଂଜାମ: ହତ୍ୟାକାଣ୍ଡର ୨୪ ଘଣ୍ଟା ନପୁରୁଣୁ ୨ ଅଭିଯୁକ୍ତଙ୍କୁ ଗିରଫ କଲା ପୋଲିସ । ଗଂଜାମ ଜିଲ୍ଲା ପାଟପୁର ଥାନା ରାମଚନ୍ଦ୍ରପୁର କାଳିଆଘାଇ କେନାଲ ନିକଟରେ ଯୁବକଙ୍କୁ ହତ୍ୟା କରାଯାଇଥିଲା । ମୃତକ ଜଣଙ୍କ ହେଲେ ପାଟପୁର ଥାନା ସାମନ୍ତରାପୁର ଗାଁର ହୀନ ପାତ୍ର ।

ସୂଚନା ଅନୁଯାୟୀ, ମୃତକ ହୀନ ତା’ ଶାଳୀ ଉପରେ ଖରାପ ନଜର ରଖିଥିବା ଅଭିଯୋଗ ହୋଇଥିଲା । ଯୁବତୀଙ୍କ ପ୍ରେମିକ ଦୀପକ ଗଉଡ଼ ଏହାକୁ ବିରୋଧ କରୁଥିଲେ । ଏଭଳି କି ଯୁବତୀଙ୍କ ଠାରୁ ଦୂରେଇ ରହିବା ପାଇଁ ହୀନକୁ ଧମକ ଦେଉଥିଲେ । ଦୀପକ ଓ ତାହାର ସହଯୋଗୀ ହୀନ ପାତ୍ରକୁ ଡାକି କେନାଲ ନିକଟରେ ଆଲୋଚନା କରିଥିଲେ । ଆଲୋଚନା ବେଳେ ବଚସା ହେବାରୁ ଦୀପକ ଏବଂ ତାହାର ସହଯୋଗୀ ହିନକୁ ହତ୍ୟା କରିଥିଲେ । ହତ୍ୟା ଘଟଣାରେ ଦୁଇ ଜଣଙ୍କୁ ଗିରଫ କରି ସିନ ରିକ୍ରେସନ କରିଛି ପୋଲିସ।