ପ୍ରେମ ନିବେଦନ ନରଖିବାରୁ ଯୁବତିଙ୍କୁ ଭୁଜାଲିଲେ ଆକ୍ରମଣ କଲା ଯୁବକ

1 min read

ବାଲେଶ୍ୱର: ଏକ ତରଫା ପ୍ରେମ ଆଉ ତାପରେ ଭୁଜାଲିରେ ଆକ୍ରମଣ। ପ୍ରେମକୁ ଗ୍ରହଣ ନକରିବାରୁ ସବୁଦିନ ପାଇ ମାରି ଦେବାକୁ ଉଦ୍ୟମ। ଟ୍ୟୁସନ ଯାଉଥିବା ସମୟରେ ନବମ ଶ୍ରେଣୀ ଛାତ୍ରୀଙ୍କୁ ଭୁଜାଲିରେ ଆକ୍ରମଣ କଲା ଏକ ତରଫା ପ୍ରେମ କରୁଥିବା ଯୁବକ। ଗୁରୁତର ଅବସ୍ଥାରେ ଯୁବତିଙ୍କୁ ମେଡିକାଲରେ ଭର୍ତ୍ତି କରାଯାଇଛି।  ବାଲେଶ୍ୱର ଖଇରା ବ୍ଲକ ଜଳଦା ପଞ୍ଚାୟତ ତୁଟ ଗ୍ରାମରେ ଘଟିଛି ଏଭଳି ଘଟଣା।

ସୂଚନା ଅନୁସାରେ, ଛାତ୍ରୀଙ୍କୁ ପ୍ରେମ ନିବେଦନ କରିଥିଲେ ସେହି ଗ୍ରାମର ଜଣେ ଯୁବକ। କିନ୍ତୁ ଛାତ୍ରୀ ଜଣକ ପ୍ରତିବାଦ କରିଥିଲେ। ସେ ତାକୁ ପ୍ରେମ କରୁନାହାନ୍ତି ବୋଲି କହିଥିଲେ। ଏହା ପରେ ଆଜି ସକାଳେ ଛାତ୍ରୀ ଜଣକ ଟ୍ୟୁସନ ଯାଉଥିବା ବେଳେ, ଯୁବକ ଜଣକ ତାଙ୍କୁ ଭୂଜାଲିରେ ଆକ୍ରମଣ କରିଥିଲା। ଗୁରୁତର ଅବସ୍ଥାରେ ଛାତ୍ରୀ ଜଣଙ୍କୁ ମେଡିକାଲରେ ଭର୍ତ୍ତି କରାଯାଇଛି। ପୋଲିସ ତଦନ୍ତ ଜାରି ରଖିଥିବା ବେଳେ ଯୁବକ ଜଣଙ୍କ ଫେରାର ହୋଇଯାଇଛି।

Opn Commnet Area

Leave a Reply

Your email address will not be published. Required fields are marked *

Close Bitnami banner