ମାର୍କେଟ୍ ମଝିରେ ଯୁବକଙ୍କୁ ଭୁଜାଲିରେ ଆକ୍ରମଣ
ସମ୍ବଲପୁର: ସମ୍ବଲପୁର ଅଇଁଠାପାଲି ଥାନା ବୁଢ଼ାରଜା ମାର୍କେଟ୍ରେ ଯୁବକଙ୍କୁ ଛୁରାମାଡ଼ । ସୁଶାନ୍ତ ଓରାମ ମାର୍କେଟ୍କୁ ଯାଇଥିବା ବେଳେ ସୁମନ୍ତ ଓରାମ ନାମକ ଯୁବକ ଛୁରାମାଡ଼ କରିଥିବା ଅଭିଯୋଗ ହୋଇଛି । ଏଥିରେ ସୁଶାନ୍ତଙ୍କ ପେଟର ଅନ୍ତବୁଜୁଳା ବାହାରି ପଡ଼ିଥିଲା ।
ସ୍ଥାନୀୟ ଲୋକମାନେ ତାଙ୍କୁ ସଦର ମେଡିକାଲରେ ଭର୍ତ୍ତି କରିଥିଲେ । ପରେ ସୁଶାନ୍ତଙ୍କୁ ବୁର୍ଲା ସ୍ଥାନାନ୍ତର କରାଯାଇଛି । ପୂର୍ବର ଶତ୍ରୁତାରୁ ଏହି ଘଟଣା ଘଟିଥିବା କୁହାଯାଉଛି ।
ଅଇଁଠାପାଲି ଥାନାରେ ଅଭିଯୋଗ ପରେ ତଦନ୍ତ ଆରମ୍ଭ କରିଛି ପୋଲିସ । ଫେରାର ଅଭିଯୁକ୍ତ ସୁମନ୍ତ ଓରାମକୁ ଗିରଫ କରିବା ପାଇଁ ବିଭିନ୍ନ ସ୍ଥାନରେ ତଢ଼ାଉ କରିଛି ପୋଲିସ ।
