କୋକସରା ସକାଳ ପ୍ରତିନିଧି ଜଗଦୀଶଚନ୍ଦ୍ର ନାଏକଙ୍କୁ ହତ୍ୟା ଧମକ

କୋକସରା: କଳାହାଣ୍ଡି ଜିଲ୍ଲା କୋକସରା ବ୍ଲକ ଦୈନିକ ଖବର କାଗଜ ସକାଳ ପ୍ରତିନିଧି ଜଗଦୀଶ ଚନ୍ଦ୍ର ନାଏକଙ୍କୁ ହତ୍ୟା ଧମକ । ଏନେଇ କୋକସରା ଥାନାରେ ଏତଲା ଦେଇଛନ୍ତି ଜଗଦୀଶ l କୋକସରା ବ୍ଲକର ମହିଳା ସରପଞ୍ଚଙ୍କ ସ୍ଥାନରେ ପୁରୁଷମାନେ କାମ କରୁଥିବା ଯୋଗୁଁ ସରକାରଙ୍କ ବିଭିନ୍ନ ଲୋକାଭମୁଖୀ ଯୋଜନା ସାଧାରଣ ଲୋକଙ୍କ ନିକଟରେ ପହଞ୍ଚିପାରୁନି । ଏନେଇ ସକାଳରେ ଖବର ପ୍ରକାଶ ପାଇଥିଲା । ଖବର ପ୍ରକାଶ ପାଇବା ପରେ ସରପଞ୍ଚଙ୍କ ସ୍ବାମୀ ହତ୍ୟା ଧମକ ଦେଇଥିବା ଅଭିଯୋଗ କରିଛନ୍ତି ସକାଳ ପ୍ରତିନିଧି l ପୋଲିସ ମାମଲା ରୁଜୁ କରି ଘଟଣାର ତଦନ୍ତ କରୁଛି ।