ଅନ୍ୟାଦେଶ ପର୍ଯ୍ୟନ୍ତ ଟୋଲ ଗେଟ୍ ବନ୍ଦ କଲା ଆଠଗଡ ପ୍ରଶାସନ

ଆଠଗଡ଼: ଗେଟ୍ କର୍ମଚାରୀ ଓ ଛତିଶଗଡ଼ ତୀର୍ଥଯାତ୍ରୀ ଗଣ୍ଡଗୋଳ ଘଟଣା। ଅନ୍ୟାଦେଶ ପର୍ଯ୍ୟନ୍ତ ଟୋଲ ଗେଟ୍ ବନ୍ଦ କଲା ଆଠଗଡ ପ୍ରଶାସନ। ଫେରିଲେ ପର୍ଯ୍ୟଟକ । ଓଡ଼ିଶା ବ୍ରିଜ ଏବଂ ନିର୍ମାଣ ନିଗମ ସହ ବୈଠକ ପରେ ନିଆଯିବ ନିଷ୍ପତି। ସୂଚନା ଦେଲେ ଆଠଗଡ଼ ଉପ ଜିଲ୍ଲାପାଳ ହେମନ୍ତ କୁମାର ସ୍ବାଇଁ।

ସୂଚନା ଅନୁସାରେ ଛତିଶଗଡରୁ ୨ଟି ବସ୍‌ରେ ପର୍ଯ୍ୟଟକ ଓଡିଶାର ବିଭିନ୍ନ ସ୍ଥାନ ବୁଲୁଥିବା ବେଳେ ମୁଣ୍ଡଳୀ ଟୋଲଗେଟରେ ଟୋଲ କର୍ମଚାରୀ ଅଧିକ ଟଙ୍କା ମାଗିବାରୁ ପ୍ରତିବାଦ କରିଥିଲେ ଡ୍ରାଇଭର। ଯେଉଁଥିପାଇଁ ଉଭୟଙ୍କ ଭିତରେ ବଚସା ଆରମ୍ଭ ହୋଇ ତୁମୁଳକାଣ୍ଡ ଘଟିଥିଲା। ବସ୍ ଭଙ୍ଗାରୁଜା ହୋଇଥିଲା। ବସରେ ଥିବା ୧୧ ଜଣ ଯାତ୍ରୀ, ୩ଜଣ ଟୋଲ୍ କର୍ମଚାରୀ ଆହତ ହୋଇ ଆଠଗଡ ଡାକ୍ତରଖାନାରେ ଚିକିତ୍ସିତ ହେଉଛନ୍ତି। ଜଣେ କର୍ମଚାରୀଙ୍କୁ ଗୁରୁତର ଅବସ୍ଥାରେ କଟକ ସ୍ଥାନାନ୍ତର କରାଯାଇଛି। ଆଠଗଡ଼ ଥାନାରେ ୪ ଟୋଲ୍ କର୍ମଚାରୀଙ୍କୁ ଅଟକ ରଖି ପଚରାଉଚରା କରୁଛି ପୋଲିସ।