ମୁମ୍ବାଇ : ମୁମ୍ବାଇରେ ଥିବା ମହାରାଷ୍ଟ୍ର ଇଣ୍ଡଷ୍ଟ୍ରିଆଲ୍ ଡେଭଲପମେଣ୍ଟ କର୍ପୋରେସନ ଅଞ୍ଚଳରେ ଲାଗିଛି ନିଆଁ। ନଭି ମୁମ୍ବାଇର ଶିରାଭନେ ଏମଆଇଡିସି ଅଞ୍ଚଳରେ ମଧ୍ୟରାତ୍ରୀରୁ ଲାଗିଛି ଏହି ନିଆଁ। ରାତି ପ୍ରାୟ ୧୧ଟା ସମୟରେ ଲାଗିଥିଲା ଏହି ନିଆଁ। ସୁବୋଧା ନାମକ କମ୍ପାନୀରେ ଲାଗିଛି ଏହି ନିଆଁ। ତେବେ ଆଜି ସକାଳ ସୁଦ୍ଧା ଏହି ନିଆଁ ନିୟନ୍ତ୍ରଣକୁ ଆସିପାରିନାହିଁ। ନିଆଁକୁ ଆୟତ୍ତ କରିବା ପାଇଁ ଦମକଳର ୧୦ଟି ଗାଡ଼ି ଘଟଣାସ୍ଥଳରେ ମୁତୟନ ଅଛନ୍ତି। ଅଗ୍ନିକାଣ୍ଡରେ କେହି ମୃତାହତ ହେବାର ଖବର ନାହିଁ। ଅଗ୍ନିକାଣ୍ଡ ଯୋଗୁଁ ବ୍ୟାପକ କ୍ଷୟକ୍ଷତି ଆଶଙ୍କା କରାଯାଉଛି। ନିଆଁ ଲାଗିବାର କାରଣ ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ। ଦମକଳ ବାହିନୀ ନିଆଁକୁ ଆୟତ୍ତ କରିବାକୁ ଉଦ୍ୟମ ଜାରି ରଖିଛି।
