ପାକିସ୍ତାନରୁ ମୁମ୍ବାଇ ପୋଲିସକୁ ଆସିଲା ଫୋନ୍, ପୁଣି ଘଟାଇବୁ ୨୬/୧୧

ମୁମ୍ବାଇ: ଆଉ ଏକ ୨୬/୧୧ ଘଟଣା ଘଟାଇବା ଲାଗି ମୁମ୍ବାଇ ପୋଲିସକୁ ଧମକପୂର୍ଣ୍ଣ ଫୋନ । ଯେଉଁଥିପାଇଁ ଆଲର୍ଟରେ ମୁମ୍ବାଇ ପୋଲିସ । ମୁମ୍ବାଇ ଟ୍ରାଫିକ ପୋଲିସ କଣ୍ଟ୍ରୋଲ ବିଭାଗ ନିକଟକୁ ଏକ ପାକିସ୍ତାନୀ ନମ୍ବରରୁ ହ୍ବାଟସଆପ୍ ମେସେଜ ଆସିବା ପରେ ମୁମ୍ବାଇ ପୋଲିସ ଆଲର୍ଟ ହୋଇଛି ।

ନମ୍ବରଟି ପାକିସ୍ତାନର ନା ଅନ୍ୟ କୌଣସି ଦେଶର, ମେସେଜ ପ୍ରେରକ କିଏ ତାହାକୁ ନେଇ ତଦନ୍ତ ଆରମ୍ଭ ହୋଇଛି । ମେସେଜରେ କୁହାଯାଇଛି ଭାରତରେ ଏହି ଘଟଣା ଘଟାଇବା ଲାଗି ୬ ଜଣ ନିୟୋଜିତ ରହିଛନ୍ତି । ଯୋଜନାରେ ମୁମ୍ବାଇର ବିଭିନ୍ନ ସ୍ଥାନରେ ବିସ୍ଫୋରଣ ଘଟାଇବାକୁ ମେସେଜରେ କୁହାଯାଇଛି । ମହାରାଷ୍ଟ୍ର ରାଇଗଡରେ ଏକ ବୋଟରୁ ଏକେ ୪୭ ଜବତ ହେବା ଘଟଣାର ଦୁଇ ଦିନ ପରେ ମୁମ୍ବାଇ ପୋଲିସ ନିକଟକୁ ଏହି ଧମକ ଆସିବା ଯୋଗୁ ପୋଲିସର ଚିନ୍ତା ବଢିଛି ।

୨୦୦୮ ନଭେମ୍ବର ୨୬ରେ ମୁମ୍ବାଇରେ ଭୟଙ୍କର ଆତଙ୍କବାଦୀ ଆକ୍ରମଣରେ ୧୭୫ ଜଣ ପ୍ରାଣ ହରାଇଥିଲେ । ଲସ୍କର-ଏ-ତଏବାରେ ୧୦ ଆତଙ୍କବାଦୀ ମୁମ୍ବାଇର ବିଭିନ୍ନ ସ୍ଥାନରେ ଗୁଳିଚାଳନା କରିବା ସହ ବିସ୍ଫୋରଣ ଘଟାଇଥିଲେ ।