ପୋଲିସ୍ କବଜାରେ ସୁଶାନ୍ତଙ୍କ ବିଲ୍ଡିଂର ସିସିଟିଭି ରେକର୍ଡିଂ

ମୁମ୍ବାଇ: ବଲିଉଡ଼ ଅଭିନେତା ସୁଶାନ୍ତ ସିଂ ରାଜପୁତ ମୃତ୍ୟୁର ୨୪ ଦିନ ବିତି ଯାଇଛି । କିନ୍ତୁ ଏପର୍ଯ୍ୟନ୍ତ ବି ସୁଶାନ୍ତଙ୍କ ମୃତ୍ୟୁ ରହସ୍ୟରେ ରହିଯାଇଛି । ପୋଲିସ ୩୦ ବଡ଼ବଡ଼ ବ୍ୟକ୍ତିଙ୍କୁ ପଚରାଉଚରା କରିବା ପରେ ବି ସୁଶାନ୍ତ ମୃତ୍ୟୁ ପଛର କାରଣ ଅସ୍ପଷ୍ଟ ରହିଛି । ଏହାକୁ ନେଇ ଭିନ୍ନ ଭିନ୍ନ ପ୍ରଶ୍ନ ମଧ୍ୟ ଉଠିଛି । ସୁଶାନ୍ତଙ୍କ ସାଙ୍ଗମାନେ ତାଙ୍କର ଏହି ମୃତ୍ୟୁକୁ ଆତ୍ମହତ୍ୟା ମାନିବାକୁ ନାରାଜ । ସେମାନଙ୍କ ଅନୁସାରେ ଏହା ହେଉଛି ଏକ ଯୋଜନା ବଦ୍ଧ ହତ୍ୟା ତେଣୁ ଏହି ମାମଲାର ତଦନ୍ତ ସିବିଆଇ ହସ୍ତାନ୍ତର କରିବା ନିହାତି ଆବଶ୍ୟକ । ସୋସିଆଲ ମିଡ଼ିଆରେ ଚାଲିଥିବା ଏହି ଚର୍ଚ୍ଚା ମଧ୍ୟରେ ବାନ୍ଦ୍ରା ପୋଲିସ ପ୍ରତ୍ୟେକ ଦିଗକୁ ନଜର ରଖିଛି । ଏବେ ଏହି ମାମଲାରେ ପୋଲିସ ଆହୁରି ତଦନ୍ତ ଜୋର କରିଛି ଏବଂ ସୁଶାନ୍ତଙ୍କ ବିଲ୍ଡିଂର ସିସିଟିଭି ରେକର୍ଡିଂକୁ ତା ଅଧିନରେ ନେଇଛି ।

ଜାତୀୟ ଗଣମାଧ୍ୟମର ଟ୍ୱିଟ୍ ଅନୁସାରେ, ମୁମ୍ବାଇ ପୋଲିସର ଡିସିପି ଅଭିଶେକ ତ୍ରିମୁଖେ କହିଛନ୍ତି ଯେ, ବାନ୍ଦ୍ରା ସ୍ଥିତ ଯେଉଁ ଘରେ ବଲିଉଡ଼ କଳାକର ସୁଶାନ୍ତ ସିଂ ରାଜପୁତ ମୃତ୍ୟୁବରଣ କରିଥିଲେ ସେହି ବିଲ୍ଡିଂର ସିସିଟିଭି ରେକର୍ଡିଂ ପୋଲିସ ତା ଅଧିନକୁ ନେଇଛି । ଅଭିଶେକ ତ୍ରିମୁଖେ କହିଛନ୍ତି ଯେ, ତାଙ୍କ ଘରେ କୌଣସି ସିସିଟିଭି ଲାଗିନଥିଲା । ପୋଲିସକୁ ବର୍ତ୍ତମାନ ଫରେସିଂକ୍ ରିପୋର୍ଟର ଅପେକ୍ଷା ରହିଛି ।

ଏହାସହ ମୁମ୍ବାଇ ପୋଲିସ ସୁଶାନ୍ତ ସିଂ ରାଜପୁତଙ୍କ ଟ୍ୱିଟର କରାଯାଇଥିବା ଟ୍ୱିଟକୁ ନେଇ ନୋଡେଲ ଠାରୁ ମିଳିବାକୁଥିବା ପ୍ରକ୍ରିୟାର ଅପେକ୍ଷା କରିଛି । ଏହି କଳାକାରଙ୍କ ମୃତ୍ୟୁକୁ ନେଇ ତାଙ୍କ ପ୍ରଂସଶକ ସୋସିଆଲ ମିଡିଆରେ ବାରମ୍ବାର ସିବିଆଇ ତଦନ୍ତର ଦାବି  କରିଥିଲେ । ଫ୍ୟାନଙ୍କ ସହ ରୂପା ଗାଙ୍ଗୁଲି, ଶେଖର ସୁମନ ଏବଂ କେତକ କଳାକାରମାନେ ମଧ୍ୟ  ସୁଶାନ୍ତ ସିଂ ରାଜପୁତଙ୍କ ମୃତ୍ୟୁକୁ ନେଇ ସିବିଆଇ ତଦନ୍ତ ପାଇଁ ଦାବି କରିଥିଲେ ।

୧୪ ଜୁନରେ ସୁଶାନ୍ତଙ୍କ ମୃତ ଶରୀର ପଙ୍ଖାରେ ଝୁଲନ୍ତା ଅବସ୍ତାରେ ମିଳିଥିଲା, ଯଦିଓ ପୋଲିସକୁ ତାଙ୍କ ପାଖରୁ କୌଣସି ସୁଇସାଇଡ୍ ନୋଟ ମିଳିନଥିଲା । ଏହି ମାମଲାରେ ବାନ୍ଦ୍ରା ପୋଲିସ ସବୁ ପ୍ରକାର ଦିଗ ପ୍ରତି ଖୋଳତାଡ଼ କରିବା ଆରମ୍ଭ କରିଛି । ଏମିତିକି ସୁଶାନ୍ତ ସାଙ୍ଗଙ୍କ ସହ ବଲିଉଡ଼ ନାମିଦାମି ହସ୍ତିମାନଙ୍କୁ ପଚରାଉଚରା ମଧ୍ୟ କରାଯାଉଛି । ତାଙ୍କ ମୃତ୍ୟୁ ପରେ ହିଁ ବଲିଉଡ଼ରେ ନେପୋଟିଜିମ୍ କୁ ନେଇ ବିଭିନ୍ନ ପ୍ରଶ୍ନ ଉଠିଛି ।