ଅଣ୍ଡରଓ୍ବାର୍ଲଡ ଡନ୍ ଦାଉଦ ଇବ୍ରାହିମ ଭଉଣୀ ଘରେ EDର ରେଡ୍

ମୁମ୍ବାଇ: କୁଖ୍ୟାତ ଅଣ୍ଡରଓ୍ୱାର୍ଲଡ ଡନ ଦାଉଦ ଇବ୍ରାହିମ ଭଉଣୀ ଘରେ ପ୍ରବର୍ତ୍ତନ ନିର୍ଦ୍ଦେଶାଳୟର ରେଡ । ମୁମ୍ବାଇରେ ଦାଉଦର ଭଉଣୀ ହସିନା ପାର୍କରଙ୍କ ଘରେ ରେଡ ହୋଇଛି । ବେଆଇନ ଅର୍ଥ ଚାଲାଣ ମାମଲାରେ ଏହି ରେଡ ହୋଇଛି । ଅଣ୍ଡରଓ୍ୱାର୍ଲଡ ସହ ମୁମ୍ବାଇର କେତେକ ବ୍ୟକ୍ତିଙ୍କ ସମ୍ପୃକ୍ତି ଥିବା ଅଭିଯୋଗ କ୍ରମେ ରେଡ କରିଛି ଇଡି । ନିକଟରେ ରୁଜୁ ହୋଇଥିବା ଅର୍ଥ ଚାଲାଣ ମାମଲାରେ ଦାଉଦ ଭଉଣୀ ସହ ଅନ୍ୟମାନଙ୍କ ଘରେ ଚଢାଉ ହୋଇଛି । ଏହି ନେଟଓ୍ୱାର୍କରେ କେତେକ ପଳାତକ ଓ ରାଜନୀତିଜ୍ଞ ମଧ୍ୟ ସାମିଲ ଥିବା ଇଡି ସୂଚନା ପାଇଛି ।