ବୋଟ୍ ବୁଡ଼ି ୧୩ ଜଣଙ୍କ ମୃତ୍ୟୁ, ୧୦୧ ଜଣ ସୁରକ୍ଷିତ ଉଦ୍ଧାର

ମୁମ୍ଵାଇ : ମୁମ୍ଵାଇ ଉପକୂଳରେ ବଡ଼ ଅଘଟଣ। ବୋଟ ବୁଡ଼ିଯିବାରୁ ୧୩ ଜଣଙ୍କ ମୃତ୍ୟୁ ହୋଇଛି। ମୃତକଙ୍କ ମଧ୍ୟରେ ୩ ଜଣ ନୌସେନା ଅଧିକାରୀ ଥିବା ବେଳେ, ୧୦ ଜଣ ସାଧାରଣ ନାଗରିକ ଅଛନ୍ତି। ୧୦୧ ଜଣଙ୍କୁ ସୁରକ୍ଷିତ ଭାବେ ଉଦ୍ଧାର କରାଯାଇଛି। ସେମାନଙ୍କ ମଧ୍ୟରୁ ୨ ଜଣଙ୍କ ଅବସ୍ଥା ଗୁରୁତର ରହିଛି। ଆଜି ଏଲିଫେଣ୍ଟା କେଭସ୍ ଦେଖିବାକୁ ଯିବା ବେଳେ ବୋଟକୁ ଧକ୍କା ଦେଇଥିଲା ଅନ୍ୟ ଏକ ସ୍ପିଡ୍ ବୋଟ୍। ବୋଟଟି ବୁଡିଯିବା ପରେ ସ୍ଥାନୀୟ ମତ୍ସ୍ୟଜୀବୀ ଓ କୋଷ୍ଟ ଗାର୍ଡ ସହାୟତାରେ ଉଦ୍ଧାର କାର୍ଯ୍ୟକୁ ଜୋରଦାର କରାଯାଇଥିଲା।