ରଣବୀର ସିଂ ଶକ୍ତିମାନ ଭୂମିକାରେ ଅଭିନୟ କରିବା ଖବରକୁ ନେଇ ଏମିତି କହିଲେ ମୁକେଶ ଖାନ୍ନା

ନନ୍ଦିଘୋଷ ବ୍ୟୁରୋ: ’ଶକ୍ତିମାନ’ ଏହି ସିରିଏଲଟି ଘରେ ଘରେ ବେଶ ପସନ୍ଦ ହୋଇଥିଲା । ପିଲାଙ୍କ ମନୋରଞ୍ଜନ କରିଥିବା ଏହି ସିରିଏଲର ପ୍ରତ୍ୟେକଙ୍କ ହୃଦୟରେ ରହିଛି । ତେବେ ଶୁଣାଯାଉଛି କି, ଶକ୍ତିମାନ ସିନେମା ନିର୍ମାଣ କରାଯିବ । ଯାହାକୁ ନେଇ ସୋସିଆଲ ମିଡିଆରେ ବେଶ ଚର୍ଚ୍ଚା ମଧ୍ୟ ହେଉଛି । ରଣବୀର ସିଂ ଶକ୍ତିମାନ ଭୂମିକାରେ ଅଭିନୟ କରିବେ । ଏପରିକି ତାଙ୍କର ଫଟୋ ମଧ୍ୟ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ତେବେ ଏହାକୁ ନେଇ ଶକ୍ତିମାନ ଭୂମିକାରେ ଅଭିନୟ କରି ସମସ୍ତ ହୃଦୟରେ ସ୍ଥାନ ବନାଇଥିବା ମୁକେଶ ଖାନ୍ନା ନିଜର ପ୍ରତିକ୍ରିୟା ରଖିଛନ୍ତି । ସେ ନିଜ ସୋସିଆଲ ମିଡିଆ ସାଇଟ ଇନଷ୍ଟାଗ୍ରାମରେ ଏକ ପୋଷ୍ଟ କରି ରଣବୀରଙ୍କ ଉପରେ ବର୍ଷିଥିବା ଦେଖିବାକୁ ମିଳିଛି ।

ମୁକେଶ ଖାନ୍ନା କହିଛନ୍ତି କି, ସେ କେବେ ଶକ୍ତିମାନ ହୋଇପାରିବେ ନାହିଁ । ଯେତେବେଳେ ବଡ଼ କଳାକାର ହେଲେ ସୁଦ୍ଧା ଶକ୍ତିମାନ ହୋଇପାରିବେ ନାହିଁ । ଦୀର୍ଘଦିନ ଧରି ଏନେଇ ଚର୍ଚ୍ଚା ହେଉଥିବାବେଳେ ମୁଁ ଚୁପ ରହିଥିଲି । ମାତ୍ର ଶୁଣିବାକୁ ମିଳିଲା କି, ରଣବୀର ଫିଲ୍ମ ପାଇଁ ସାଇନ କରିଛନ୍ତି । ଏହାପରେ ବାଧ୍ୟ ହୋଇ ପୋଷ୍ଟ କରିଛି । ଏଭଳି କଡ଼ା ଭାଷାରେ ସମାଲୋଚନା କରି ପୋଷ୍ଟ କରିଥିବା ଦେଖିବାକୁ ମିଳିଛି । ଯେଉଁଥିରୁ ସ୍ପଷ୍ଠଭାବେ ଜଣାପଡ଼ୁଛି କି, ମୁକେଶ ଖାନ୍ନା କେବେ ମଧ୍ୟ ଚାହୁଁ ନାହାନ୍ତି କି, ରଣବୀର ଶକ୍ତିମାନ ଫିଲ୍ମ କରନ୍ତୁ ।

https://www.instagram.com/iammukeshkhanna/?utm_source=ig_embed&ig_rid=87a7e751-9353-4946-9a64-97dfa7885dea