ନନ୍ଦିଘୋଷ ବ୍ୟୁରୋ : ରିଲାଏନ୍ସ ଇଣ୍ଡଷ୍ଟ୍ରିଜର ଚେୟାରମ୍ୟାନ୍ ମୁକେଶ ଆମ୍ବାନୀଙ୍କ ସହଯୋଗୀ ପ୍ରକାଶ ଶାହା ସନ୍ୟାସୀ ହୋଇଛନ୍ତି । ୭୫ କୋଟି ଟଙ୍କାର ଦରମା ଥିବା ଚାକିରି ଝାଡି ସେ ଏହି ସନ୍ୟାସ ଜୀବନ ଆପଣେଇଛନ୍ତି । ସେ ରିଲାଏନ୍ସ ଇଣ୍ଡଷ୍ଟ୍ରିଜର ଓ୍ବାଇସ ପ୍ରେସିଡେଣ୍ଟ ପଦରେ ଥିଲେ । ପ୍ରକାଶଙ୍କୁ ମୁକେଶ ଅମ୍ବାନୀଙ୍କ ଡାହାଣ ହାତ ବୋଲି ମଧ୍ୟ କୁହାଯାଉଥିଲା । ପ୍ରକାଶ ଶାହା ୬୩ ବର୍ଷରେ ଅବସର ନେବା ପରେ ଦିକ୍ଷା ଗ୍ରହଣ କରିଛନ୍ତି । ପ୍ରକାଶ ଶାହା ଓ ତାଙ୍କ ପତ୍ନୀ ନୈନା ଶାହ ମହାବୀର ଜୟନ୍ତୀ ଅବସରରେ ଦୀକ୍ଷା ନେଇଥିଲେ। ସେ ବହୁ ପୂର୍ବରୁ ଦୀକ୍ଷା ନେବାକୁ ଚାହୁଁଥିଲେ, କିନ୍ତୁ କରୋନା ମହାମାରୀ ଯୋଗୁଁ ଏହାକୁ କିଛି ସମୟ ପାଇଁ ସ୍ଥଗିତ ରଖିଥିଲେ।
ପ୍ରକାଶ ଶାହା କେମିକାଲ ଇଞ୍ଜିନିୟରିଂରେ ସ୍ନାତକ ଡିଗ୍ରୀ ହାସଲ କରିଛନ୍ତି। ସେ ଆଇଆଇଟି ବମ୍ବେରୁ ସ୍ନାତକୋତ୍ତର ମଧ୍ୟ କରିଛନ୍ତି । ତାଙ୍କ ସ୍ତ୍ରୀ ବାଣିଜ୍ୟରେ ସ୍ନାତକ କରିଛନ୍ତି। ସେମାନଙ୍କର ଦୁଇଟି ପୁଅ ଅଛନ୍ତି। ତାଙ୍କର ଗୋଟିଏ ପୁଅ କିଛି ବର୍ଷ ପୂର୍ବରୁ ଦୀକ୍ଷା ଗ୍ରହଣ କରିଥିଲା। ତାଙ୍କର ଅନ୍ୟ ପୁଅ ବିବାହିତ ଓ ତାଙ୍କର ମଧ୍ୟ ଗୋଟିଏ ପିଲା ଅଛି।
ରିଲାଏନ୍ସ ଇଣ୍ଡଷ୍ଟ୍ରିଜରେ କାମ କରିବା ସମୟରେ, ପ୍ରକାଶ ଶାହା କମ୍ପାନୀର ଅନେକ ବଡ଼ ପ୍ରକଳ୍ପକୁ ସଫଳତାର ସହ ପରିଚାଳନା କରିଥିଲେ। ଗଣମାଧ୍ୟମ ରିପୋର୍ଟ ଅନୁସାରେ, ପ୍ରକାଶ ଅବସର ନେବା ସମୟରେ ବାର୍ଷିକ ୭୫ କୋଟି ଟଙ୍କା ଦରମା ପାଉଥିଲେ।
