କ୍ରିକେଟରୁ ଧୋନିଙ୍କ ସନ୍ୟାସ ନେଇ ଗୁଜବ, କୋଚ୍ କହିଲେ ‘ମାହି ଖେଳିବେ ଟି-ଟ୍ୱେଣ୍ଟି ବିଶ୍ୱକପ୍’

ମୁମ୍ବାଇ: ଭାରତୀୟ କ୍ରିକେଟ ଟିମର ପୂର୍ବତନ କ୍ୟାପଟେନ ମହେନ୍ଦ୍ର ସିଂହ ଧୋନିଙ୍କ କ୍ରିକେଟରୁ ଅବସର ନେଇ ଅନେକ ଚର୍ଚ୍ଚା ହେଉଛି । ତେବେ ଏହି ଚର୍ଚ୍ଚାକୁ ଧୋନିଙ୍କ ପିଲା ଦିନର କୋଚ୍ କେଶବ ବାନାର୍ଜୀ ଖଣ୍ଡନ କରିଛନ୍ତି । ଅବସର ନେବାର ସମୟ ଆସିଲୋ ଧୋନି ନିଜେ ଘୋଷଣା କରିବେ । ଏହା ପୂର୍ବରୁ କିଛି ଲୋକ ଟ୍ୱିଟରରେ ଧୋନି ଅବସର ନେଇଥିବା ନେଇ ଗୁଜବ ପ୍ରଚାର କରିଥିଲେ । କେଶବ ଏହାକୁ ମିଛ ବୋଲି କହିଛନ୍ତି ।

ଲୋକଙ୍କୁ ଫୋନ୍ କରି ଅବସର ନେଉଥିବା କହିବା ବ୍ୟକ୍ତି ଧୋନି ନୁହଁନ୍ତି । ଧୋନି ଟେଷ୍ଟ କ୍ରିକେଟରୁ ଅବସର ଘୋଷଣା କରିଥିଲେ । ସେତେବେଳେ ସେ ପ୍ରେସମିଟରେ ସୂଚନା ଦେବା ସହ ବିସିସିଆଇକୁ ସୂଚନା ଦେଇଥିଲେ । ଧୋନି ଆଇପିଏଲ ନଖେଳିଲେ ବି ଟି-ଟ୍ୱେଣ୍ଟି ବିଶ୍ୱକପ୍ ଟିମରେ ତାଙ୍କ ନାଁ ରହିବା ଦରକାର ବୋଲି ବୋଲି କେଶବ କହିଥିଲେ ।

ଚଳିତବର୍ଷ ଅକ୍ଟୋବରରୁ ନଭେମ୍ବର ମଧ୍ୟରେ ହେବାକୁ ଥିବା ଟି-୨୦ ବିଶ୍ୱକପ୍ କରୋନା ଭାଇରସ୍ ଯୋଗୁଁ ସ୍ଥଗିତ ହୋଇପାରେ । ଏମିତିରେ ବି ଆଇପିଏଲ୍ ଆୟୋଜନ ସମ୍ଭାବନା ନେଇ ଦ୍ୱନ୍ଦ୍ୱ ଦେଖାଦେଇଛି ।

ବିସିସିଆଇ ବାର୍ଷିକ କଣ୍ଟ୍ରାକ୍ଟ ତାଲିକାରେ ନାହିଁ ଧୋନିଙ୍କ ନାଁ, ଅବସରକୁ ନେଇ ଚର୍ଚ୍ଚା ଜୋର