IPL: ସୁରେଶ ରାଇନାଙ୍କ ଏହି ରେକର୍ଡ ଭାଙ୍ଗିଲେ ମାହି
1 min read
ନୂଆଦିଲ୍ଲୀ: ମହେନ୍ଦ୍ର ସିଂହ ଧୋନି ଆଇପିଏଲ ଖେଳାଳି ଭାବେ ଏକ ବଡ଼ ରେକର୍ଡ ହାତେଇଛନ୍ତି । ଧୋନି ସର୍ବାଧିକ ଆଇପିଏଲ୍ ମ୍ୟାଚ ଖେଳିଥିବା ଖେଳାଳି ଭାବେ ରେକର୍ଡ କରିଛନ୍ତି । ଏହି କ୍ଷେତ୍ରରେ ମହେନ୍ଦ୍ର ସିଂହ ଧୋନି ନିଜ ଟିମ୍ ସିଏସକେର ସାଥୀ ଖେଳାଳି ସୁରେଶ ରାଇନାଙ୍କୁ ପଛରେ ପକାଇ ଦେଇଛନ୍ତି ।
ଦୁବାଇରେ ଚାଲିଥିବା ଆଇପିଏଲ୍ ମ୍ୟାଚରେ ସନରାଇଜର୍ସ ହାଇଦ୍ରାବଦ ବିପକ୍ଷ ମ୍ୟାଚରେ ରୈନାଙ୍କୁ ପଛରେ ପକାଇ ସର୍ବାଧିକ ମ୍ୟାଚ୍ ଖେଳିଥିବା ଖେଳାଳି ହୋଇଛନ୍ତି ଧୋନି । ଏହା ଧୋନିଙ୍କ ୧୯୪ତମ ଆଇପିଏଲ୍ ମ୍ୟାଚ୍ । ଏହା ପୂର୍ବରୁ ଧୋନି ଆଇପିଏଲରେ ପ୍ରାୟ ୧୯୩ଟି ମ୍ୟାଚ୍ ଖେଳିଥିବା ବେଳେ ୪ ହଜାର ୪୭୬ ରନ୍ କରିଛନ୍ତି । ସୁରେଶ ରାଇନା ଏବେ ଯାଏଁ ୧୯୩ଟି ମ୍ୟାଚ ଖେଳିଥିବା ବେଳେ ୫ ହଜାର ୩୬୮ ରନ୍ କରିଛନ୍ତି ।
ମହେନ୍ଦ୍ର ସିଂହ ଧୋନି ଆଇପିଏଲ ଆରମ୍ଭରୁ ଚେନ୍ନାଇ ସୁପର କିଙ୍ଗ୍ସ ଟିମ୍ ସହ ଅଛନ୍ତି । ଯେତେବେଳେ ଚେନ୍ନାଇ ସୁପର କିଙ୍ଗ୍ସ ଉପରେ ୨ ବର୍ଷ ବ୍ୟାନ୍ ଲାଗିଥିଲା । ସେତେବେଳେ ଧୋନି ରାଇଜିଂ ପୁଣେ ପାଇଁ ଖେଳି ଥିଲେ । ରାଇନା ଆଇପିଏଲ୍ ଆରମ୍ଭରୁ ଚେନ୍ନାଇ ସହିଥ ଅଛନ୍ତ । ୨୦୧୬-୧୭ରେ ସେ ଗୁଜରାଟ ଲାୟନ୍ସରେ ଥିଲେ । ଚେନ୍ନାଇ ସୁପର କିଙ୍ଗ୍ସ ତିନିଥର ଆଇପିଏଲ୍ ଚାମ୍ପିଅନ୍ ହୋଇଛି ।
ସବୁଠୁ ଅଧିକ IPL ମ୍ୟାଚ୍ ଖେଳିଥିବା ଖେଳାଳି
୧) ମହେନ୍ଦ୍ର ସିଂହ ଧୋନି- ୧୯୪ଟି ମ୍ୟାଚ୍
୨) ସୁରେଶ ରୈନା- ୧୯୩ଟି ମ୍ୟାଚ୍
୩) ରୋହିତ ଶର୍ମା- ୧୯୨ଟି ମ୍ୟାଚ୍
୪) ଦିନେଶ କାର୍ତ୍ତିକ- ୧୮୫ଟି ମ୍ୟାଚ୍
୫) ବିରାଟ କୋହଲି- ୧୮୦ଟି ମ୍ୟାଚ୍
