ନନ୍ଦିଘୋଷ ବ୍ୟୁରୋ: ମନ ଜିତିନେଲେ ମୁମ୍ବାଇ ଇଣ୍ଡିଆନ୍ସର ବିଘ୍ନେଶ ପୁଥୁର । କମ ବୟସରେ ନିଜର ଚମତ୍କାରିତା ପ୍ରଦର୍ଶନ ପାଇଁ କେବଳ ପ୍ରଶଂସକଙ୍କର ନୁହେଁ ମହେନ୍ଦ୍ର ସିଂ ଧୋନୀଙ୍କର ମଧ୍ୟ ହୃଦୟ ଜିତିଯାଇଛନ୍ତି । ସୋସିଆଲ ମିଡିଆରେ ଏକ ଭିଡିଓ ଭାଇରାଲ ହେଉଛି ଯେଉଁଥିରେ ଧୋନୀ ବିଘ୍ନେଶଙ୍କୁ ସାବାସୀ ଦେଉଥିବା ନଜର ଆସିଛି । ବିଘ୍ନେଶ ମୁମ୍ବାଇ ଇଣ୍ଡିଆନ୍ସରେ ଡେବ୍ୟୁ ଆରମ୍ଭ କରିଥିବା ବେଳେ ପ୍ରଥମ ମ୍ୟାଚରେ ଚମତ୍କାର ବୋଲିଂ କରିଛନ୍ତି । ଏହି ଯୁବ ବୋଲର ୪ ଓଭରରେ ୩୨ ରନ ଦେଇ ୩ ଓ୍ବିକେଟ ହାସଲ କରିଛନ୍ତି ।
ଗତକାଲି ମ୍ୟାଚରେ ଚେନ୍ନାଇ ସୁପର କିଙ୍ଗ୍ସ ୪ ୱିକେଟରେ ମୁମ୍ବାଇ ଇଣ୍ଡିଆନ୍ସକୁ ପରାସ୍ତ କରିଛି। ପ୍ରଥମେ ବ୍ୟାଟିଂ କରିବାକୁ ଆସିଥିବା ମୁମ୍ବାଇ ଇଣ୍ଡିଆନ୍ସ (MI) ୨୦ ଓଭରରେ ୯ ୱିକେଟ୍ ହରାଇ ୧୫୫ ରନ୍ କରିଥିଲା। ଜବାବରେ, ଚେନ୍ନାଇ ସୁପର କିଙ୍ଗ୍ସ (CSK) ୧୯.୧ ଓଭରରେ ୬ ୱିକେଟ୍ ହରାଇ ମ୍ୟାଟଟିକୁ ଜିତି ନେଇଥିଲା। ବିଘ୍ନେଶ ପୁଥୁର ଚମତ୍କାର ବୋଲିଂ କରିଥିଲେ ସତ କିନ୍ତୁ ରଚିନ ରବିନ୍ଦ୍ରଙ୍କ ଯୋଗୁଁ ଚେନ୍ନାଇ ସୁପର କିଙ୍ଗସ ଏହି ମ୍ୟାଚଟିକୁ ଜିତିନେଇଛି ।
ବିଘ୍ନେଶ ପୁଥୁରଙ୍କ ପିଠି ଥାପୁଡ଼ାଇଲେ ଧୋନି
ବିଘ୍ନେଶ ପୁଥୁର ତାଙ୍କ ବୋଲିଂରେ ପ୍ରଶଂସକଙ୍କ ଦୃଷ୍ଟି ଆକର୍ଷଣ କରିଥିଲେ । ତାଙ୍କ ଚମତ୍କାରିତା ପ୍ରଦର୍ଶନ ପାଇଁ ମହେନ୍ଦ୍ର ସିଂ ଧୋନି ବିଘ୍ନେଶ ପୁଥୁରଙ୍କ ପିଠି ଥାପୁଡ଼ାଇଛନ୍ତି । ଭିଡିଓଟି IPLର ଅଫିସିଆଲ୍ ସୋସିଆଲ ମିଡିଆ ହ୍ୟାଣ୍ଡେଲରୁ ସେୟାର କରାଯାଇଛି। ଏହି ଭିଡିଓରେ, ଚେନ୍ନାଇ ସୁପର କିଙ୍ଗସର ବିଜୟ ପରେ ମାହି ଭିଗ୍ନେଶ ପୁଥୁରଙ୍କ ପିଠି ଥାପୁଡ଼ାଉଥିବାର ଦେଖିବାକୁ ମିଳୁଛି। ଭିଡିଓଟି ବହୁମାତ୍ରାରେ ଭାଇରାଲ ହେଉଛି ।
https://x.com/i/status/1903868078380986742
୧୫୫ ରନ କରିଥିଲା ମୁମ୍ବାଇ ଇଣ୍ଡିଆନ୍ସ
ପ୍ରଥମେ ବ୍ୟାଟିଂ କରିବାକୁ ଆସିଥିବା ମୁମ୍ବାଇ ଇଣ୍ଡିଆନ୍ସ ୨୦ ଓଭରରେ ୯ ୱିକେଟ୍ ହରାଇ ୧୫୫ ରନ କରିଥିଲା। ମୁମ୍ବାଇ ଇଣ୍ଡିଆନ୍ସ ପକ୍ଷରୁ ତିଲକ ବର୍ମା ୨୫ ବଲ୍ ରେ ସର୍ବାଧିକ ୩୧ ରନ୍ କରିଥିଲେ। ଏହା ବ୍ୟତୀତ ଅଧିନାୟକ ସୂର୍ଯ୍ୟକୁମାର ଯାଦବ ୨୬ ବଲ୍ ରେ ୨୯ ରନ୍ କରିଥିଲେ। ଯେତେବେଳେ ଦୀପକ ଚହର ୧୫ ବଲରୁ ୨୮ ରନ କରି ଭଲ ପ୍ରଦର୍ଶନ କରିଥିଲେ । ଚେନ୍ନାଇ ସୁପର କିଙ୍ଗ୍ସ ପକ୍ଷରୁ ନୁର ଅହମ୍ମଦ ସର୍ବାଧିକ ୪ଟି ୱିକେଟ ନେଇଥିଲେ। ଖଲିଲ ଅହମ୍ମଦ ୩ଟି ସଫଳତା ପାଇଲେ। ନାଥନ୍ ଏଲିସ୍ ଏବଂ ରବି ଅଶ୍ୱିନ ପ୍ରତ୍ୟେକ ଜଣେ ଲେଖାଏଁ ବ୍ୟାଟ୍ସମ୍ୟାନଙ୍କୁ ଆଉଟ୍ କରିଥିଲେ ।
ରାଚିନ ରବିନ୍ଦ୍ରଙ୍କ ଯୋଗୁଁ ମ୍ୟାଚ ଜିତିଲା CSK
ମୁମ୍ବାଇ ଇଣ୍ଡିଆନ୍ସର ୧୫୫ ରନର ଜବାବରେ, ଚେନ୍ନାଇ ସୁପର କିଙ୍ଗସ ୧୯.୧ ଓଭରରେ ୬ ୱିକେଟ୍ ହରାଇ ଲକ୍ଷ୍ୟ ହାସଲ କରିନେଇଥିଲା। ଚେନ୍ନାଇ ସୁପର କିଙ୍ଗ୍ସ ପକ୍ଷରୁ ରଚିନ ରବିନ୍ଦ୍ର ୪୫ ବଲ୍ ରେ ସର୍ବାଧିକ ୬୫ ରନ୍ ଅପରାଜିତ ରହିଥିଲେ। ଏହା ବ୍ୟତୀତ ଅଧିନାୟକ ଋତୁରାଜ ଗାୟକୱାଡ ୨୬ ବଲ୍ ରେ ୫୩ ରନ୍ କରିଥିଲେ। ମୁମ୍ବାଇ ଇଣ୍ଡିଆନ୍ସ ପକ୍ଷରୁ ଭିଗ୍ନେଶ ପୁଥୁର ସର୍ବାଧିକ 3ଟି ୱିକେଟ ନେଇଥିଲେ। ଦୀପକ ଚହର ଏବଂ ୱିଲ୍ ଜ୍ୟାକ୍ସ ଗୋଟିଏ ଲେଖାଏଁ ସଫଳତା ପାଇଥିଲେ।
