ଜେଇଇ ଆଡଭାନ୍ସ ପରୀକ୍ଷା; ସର୍ବଭାରତୀୟ ସ୍ତରରେ ମୃଦୁଲ ଅଗ୍ରୱାଲ ଟପ୍ପର

ନୂଆଦିଲ୍ଲୀ: ଜେଇଇ ଆଡଭାନ୍ସ ପରୀକ୍ଷାରେ ମୃଦୁଲ ଅଗ୍ରୱାଲଙ୍କ କୃତିତ୍ୱ ଲାଭ କରିଛନ୍ତି । ସବୁଠୁ ଅଧିକ ନମ୍ବର ରଖି ଅଲ ଇଣ୍ଡିଆ ଟପ୍ପ ହୋଇଛନ୍ତି ଜୟପୁରର ମୃଦୁଲ । ଏହାଛଡ଼ା ସେ ଜେଇଇ ଆଡଭାନ୍ସ ପରୀକ୍ଷାରେ ୩୪୮ ନମ୍ବର ରଖି ପୂର୍ବର ସବୁ ରେକର୍ଡ ଭାଙ୍ଗିଛନ୍ତି ।

ସୂଚନା ଅନୁସାରେ, ସମୁଦାୟ ୩୬୦ରୁ ୩୪୮ ନମ୍ବର ଅର୍ଥାତ୍ ୯୬.୬୬ ପ୍ରତିଶତ ନମ୍ବର ରଖି କୃତିତ୍ୱ ହାସଲ କରିଛନ୍ତି ମୃଦୁଲ। ପୂର୍ବରୁ ମୃଦୁଲ ଜେଇଇ ମେନ୍ ପରୀକ୍ଷାରେ ମଧ୍ୟ ଟପ୍ କରିଥିଲେ । ଜେଇଇ ଆଡଭାନ୍ସରେ ଅଲ ଇଣ୍ଡିଆ ଟପ୍ କରିଥିବା ମୃଦୁଲ IIT ମୁମ୍ବାଇରେ କମ୍ପ୍ୟୁଟର ସାଇନ୍ସ ପଢ଼ିବାକୁ ଇଚ୍ଛା ରଖିଛନ୍ତି । ମୃଦୁଲ ଜୟପୁରର ମୂଳ ବାସିନ୍ଦା । ତାଙ୍କ ବାପା ପ୍ରଦୀପ ଅଗ୍ରଓ୍ବାଲ ଏକ ପ୍ରାଇଭେଟ ଫାର୍ମରେ ଆକାଉଣ୍ଟସ ମ୍ୟାନେଜର ଭାବେ କାର୍ଯ୍ୟକରନ୍ତି । ମାଆ ଜଣେ ଗୃହିଣୀ । ପାଠପଢ଼ାରେ ମାଆ ଓ ଶିକ୍ଷକମାନେ ବହୁ ସାହାଯ୍ୟ କରନ୍ତି ବୋଲି ମୃଦୁଲ କହିଛନ୍ତି ।