ଲଭ୍ ଜିହାଦ୍ ମାମଲାରେ ସ୍ୱାମୀଙ୍କୁ ଗିରଫ କରାଇଲେ ସ୍ତ୍ରୀ
ଇନ୍ଦୋର: ସ୍ୱାମୀଙ୍କ ବିରୋଧରେ ଲଭ୍ ଜିହାଦ୍ ମାମଲା ରୁଜୁ କଲେ ସ୍ତ୍ରୀ । ଦ୍ୱାରିକପୁର ଥାନାରେ ଏ ନେଇ ମାମଲା ରୁଜୁ କରିଛନ୍ତି ସ୍ତ୍ରୀ । ଗର୍ଭବତୀ ସ୍ତ୍ରୀ ଜଣଙ୍କ ସ୍ୱାମୀର ଅସଲ ଜାତି ସମ୍ପର୍କରେ ଜାଣିବା ପରେ ତାଙ୍କ ନାଁରେ ଏଭଳି ମାମଲା ରୁଜୁ କରିଛନ୍ତି । ଗର୍ଭବତୀ ମହିଳା ଜଣଙ୍କ ଚିକିତ୍ସା କରାଉଥିବା ହସ୍ପିଟାଲରେ ଉଭୟ ସ୍ୱାମୀ ଓ ସ୍ତ୍ରୀଙ୍କ ପରିଚୟ ପତ୍ର ମାଗିଥିଲେ । ଜିମ୍ ଟ୍ରେନ୍ର ସ୍ୱାମୀ ଜଣଙ୍କ ସେଠାରେ ତାଙ୍କ ପରିଚୟ ପତ୍ର ଦେଇଥିଲେ । ସେଥିରୁ ସ୍ତ୍ରୀ ଜଣଙ୍କ ସ୍ୱାମୀଙ୍କ ଅସଲ ପରିଚୟ ଜାଣିପାରିଥିଲେ । ସ୍ତ୍ରୀ ଜଣଙ୍କ ସ୍ୱାମୀଙ୍କ ନାମ ଗବ୍ବର ବୋଲି ଭାବୁଥିବା ବେଳେ ତାଙ୍କର ପ୍ରକୃତ ନାମ ଥିଲା ମୁସ୍ତାଫା । ଏ ନେଇ ଦ୍ୱାରିକାପୁର ଥାନା ଅଧିକାରୀଙ୍କ କହିବା ହେଲା ଯେ, ଏମ୍ପି ଧର୍ମ ସ୍ୱତନ୍ତ୍ରତା ଅଧିନିୟମ ୨୦୨୦ ଅଧିନରେ ମାମଲା ରୁଜୁ କରିଛି ।
