ମହାପ୍ରଭୁଙ୍କ କାମ କୌଣସି ସ୍ବାର୍ଥପର ଏଜେନ୍ସି ଅଟକାଇ ପାରିବେନି

1 min read

ପୁରୀ: ଶ୍ରୀମନ୍ଦିର ପରିକ୍ରମା ପ୍ରକଳ୍ପକୁ ବିରୋଧକୁ ନେଇ ବିରୋଧୀଙ୍କ ଉପରେ ବର୍ଷିଲେ ପୁରୀ ସାଂସଦ ପିନାକୀ ମିଶ୍ର । ପ୍ରକଳ୍ପ କାମକୁ ରାଜ୍ୟର କୌଣସି ସ୍ବାର୍ଥପର ଏଜେନ୍ସି ଅଟକାଇ ପାରିବେ ନାହିଁ ବୋଲି କହିଛନ୍ତି ।

ସେ କହିଛନ୍ତି, ‘ମହାପ୍ରଭୁଙ୍କ ଇଚ୍ଛା ତାଙ୍କ ମନ୍ଦିର ଚାରିପାଖ ସୌନ୍ଦର୍ଯ୍ୟକରଣ ହେଉ । ସେ କାମ ପୂରଣ ହେବ । ଦୁନିଆର କୌଣସି ସ୍ବାର୍ଥପର ଏଜେନ୍ସ ଏଥିରେ ବାଧା ସୃଷ୍ଟି କରିପାରିବେ ନାହିଁ । ବିରୋଧୀଙ୍କ କାମ ବିରୋଧ କରିବା । ବିଜେପିର ବରିଷ୍ଠ ନେତା ବିଜୟ ମହାପାତ୍ରଙ୍କ ଯାତ୍ରାପାର୍ଟି ରାଜନୀତି ମନ୍ତବ୍ୟର ଜବାବ ଦେବାକୁ ଚାହୁଁନି । ମହାପ୍ରଭୁଙ୍କ ନାଁରେ ସ୍ବାର୍ଥ ପାଇଁ କିଛି ଲୋକ ରାଜନୀତି କରୁଛନ୍ତି, ଏହାର ଜବାବ ଲୋକେ ଦେବ ।’

ସେ ଆଗକୁ କହିଛନ୍ତି, ‘ମାମଲା ସୁପ୍ରିମକୋର୍ଟ ଓ ହାଇକୋର୍ଟରେ ଅଛି । ଆଇନ ଅନୁସାରେ କାମ ହେଉଛି କି ନାହିଁ କୋର୍ଟ ନିଷ୍ପତ୍ତି ନେବେ । ଏଥିରେ ଯିଏ ଯାହା କହିଲେ ବି କିଛି ଯାଏ ଆସେ ନାହିଁ । ଯାହା ନିଷ୍ପତ୍ତି ଆସିବା ସମସ୍ତେ ମାନିବା ଉଚିତ । କାମ ଦିନରାତି ଚାଲିଛି । କାମ ଉପରେ ରୋକଠୋକ ନାହିଁ । ମହାପ୍ରଭୁ ଓ ପୁରୀବାସୀଙ୍କ ଇଚ୍ଛା କାମ ଶ୍ରୀଘ୍ର ସରୁ । ସେହି ଅନୁସାରେ କାମ କରାଯାଉଛି ।’

[DISPLAY_ULTIMATE_SOCIAL_ICONS]