ସଂସଦରେ ବିଜେଡି ସାଂସଦ ମାନସ ମଙ୍ଗରାଜଙ୍କ ପ୍ରଶ୍ନ : ଦେଶରେ ଏନଏଚ ନିର୍ମାଣ କେଉଁଠି କେତେ ?

ନନ୍ଦିଘୋଷ ବ୍ୟୁରୋ :  ଦେଶରେ ଜାତୀୟ ରାଜପଥ ନିର୍ମାଣ ନେଇ ସଂସଦରେ ପ୍ରଶ୍ନ ଉଠାଇଛନ୍ତି ସାଂସଦ ମାନସ ମଙ୍ଗରାଜ । ସାରା ଦେଶରେ କେତେ କିଲୋମିଟର ଦୀର୍ଘ ଜାତୀୟ ରାଜପଥ ତିଆରି କରାଯାଇଛି । ଗତ ପାଞ୍ଚ ବର୍ଷ ଭିତରେ ବର୍ଷକୁ ଓ ରାଜ୍ୟଓ୍ବାରୀ କେତେ କିଲୋମିଟର ଜାତୀୟ ରାଜପଥ କରାଯାଇଛି । ସେହିଭଳି ଓଡ଼ିଶାରେ ଗତ ପାଞ୍ଚ ବର୍ଷରେ କେତେ କିଲୋମିଟରର ଜାତୀୟ ରାଜପଥ ନିର୍ମାଣ କରାଯାଇଛି । ଜାତୀୟ ରାଜପଥ ଉପରେ ଅପଡେଟ ପାଇଁ ସଂସଦରେ ସଡ଼କ ପରିବହନ ଓ ରାଜପଥ ମନ୍ତ୍ରୀଙ୍କୁ ପ୍ରଶ୍ନ କରିଛନ୍ତି ବିଜେଡି ସାଂସଦ ମାନସ ରଞ୍ଜନ ମଙ୍ଗରାଜ ।

ଅଣତାରକା ପ୍ରଶ୍ନର ଉତ୍ତରରେ ମନ୍ତ୍ରୀ ବିଭିନ୍ନ ରାଜ୍ୟର ତଥ୍ୟ ରଖିଥିଲେ । ଓଡ଼ିଶାରେ ୨୦୧୮-୧୯ରେ ୮୩୩.୯ କିମି ଏନଏଚ ତିଆରି ହୋଇଥିଲା ବେଳେ ୨୦୧୯-୨୦ରେ ୪୪୦.୭, ୨୦୨୦-୨୧ରେ ୬୮୩.୩, ୨୦୨୧-୨୨ରେ ୫୪୪.୩, ୨୦୨୨-୨୩ରେ ଏପର୍ଯ୍ୟନ୍ତ ସୁଦ୍ଧା ୪୦୯.୭ କିମି ଜାତୀୟ ରାଜପଥ ନିର୍ମାଣ ହୋଇଛି । ଚଳିତ ବର୍ଷ ମହାରାଷ୍ଟ୍ରରେ ସର୍ବାଧକ ୧୦୮୬.୮ କିମି ଜାତୀୟ ରାଜପଥ ନିର୍ମାଣ ହୋଇଛି ।