୩ଶହ ଫୁଟ ଗଭୀର ବୋରୱେଲକୁ ଖସିପଡ଼ିଲା ଅଢ଼େଇ ବର୍ଷର ଶିଶୁ

ସିହୋର: ପୁଣି ବୋରୱେଲରେ ଫସିଲା ଜୀବନ । ମଧ୍ୟପ୍ରଦେଶର ସିହୋରରରୁ ଆସିଛି ଏଭଳି ଅଭାବନୀୟ ଘଟଣା । ବୋରୱେଲରେ ଫସିରହିଛି ଜଣେ ଅଢ଼େଇ ବର୍ଷର ଶିଶୁ । ୩୦୦ଫୁଟ ଗଭୀର ବୋରୱେଲରେ ଫସି ରହିଛି ଶିଶୁ କନ୍ୟା । ପ୍ରାଥମିକ ସୂଚନାନୁସାରେ, ପଡ଼ିଶା ଘର ପାଖ କ୍ଷେତରେ ଖେଳୁଥିବା ସମୟରେ ଖୋଲା ବୋରୱେଲକୁ ଖସିପଡ଼ିଛି ଶିଶୁଟି । ଖବର ମିଳିବା କ୍ଷଣି ସ୍ଥାନୀୟ ପ୍ରଶାସନ ଏବଂ ଉଦ୍ଧାରକାରୀ ଦଳ ଘଟଣାସ୍ଥଳରେ ପହଞ୍ଚିଛନ୍ତି । ବର୍ତ୍ତମାନ ଉଦ୍ଧାର କାର୍ଯ୍ୟ ଜାରି ରହିଛି ।

ସୂଚନାନୁଯାୟୀ, ସିହୋର ଅଞ୍ଚଳର ନିବାସୀ ରାହୁଲଙ୍କ ଅଢ଼େଇ ବର୍ଷର ଝିଅ ରାନୀ କ୍ଷେତରେ ଖେଳିବା ସମୟରେ ପଡ଼ିଶାଘରର ଏକ ଖୋଲା ବୋରୱେଲକୁ ଖସିପଡ଼ିଥିଲା । ଏହି ବୋରୱେଲ ତିନି ମାସ ତଳେ ଖୋଳାଯାଇଥିଲା ଏବଂ ସେବେଠୁ ଖୋଲା ରହିଥିଲା । ଖବର ପାଇବା କ୍ଷଣି ସ୍ଥାନୀୟ ପ୍ରଶାସନ ଏବଂ ଏନଡିଆରଏଫ ଦଳ ଘଟଣାସ୍ଥଳରେ ପହଞ୍ଚିଥିଲେ । ଏଥିସହିତ ସେମାନେ ସଙ୍ଗେ ସଙ୍ଗେ ଉଦ୍ଧାରକାର୍ଯ୍ୟ ଆରମ୍ଭ କରିଦେଇଥିଲେ । ବୋରୱେଲ ଟି ଅଧିକ ଗଭୀର ଥିବାରୁ ଉଦ୍ଧାର କରିବାରେ ସମସ୍ୟା ହେଉଛି ।