ସ୍ୱୟଂ ସହାୟକ ଗୋଷ୍ଠୀଙ୍କ ସହାୟତା ପାଇଁ ସ୍ୱାକ୍ଷର ହେଲା ଏମଓୟୁ

ଭୁବନେଶ୍ୱର: ଅହମ୍ମଦାବାଦର ୟୁଏମସି ଓ ନଗର ଉନ୍ନୟନ ବିଭାଗ ମଧ୍ୟରେ ଚୁକ୍ତି ସ୍ୱାକ୍ଷରିତ ହୋଇଛି । ଆଗକୁ କଠିନ ବର୍ଜ୍ୟବସ୍ତୁ ପରିଚାଳନାରେ ସ୍ବୟଂ ସହାୟକ ଗୋଷ୍ଠୀଙ୍କର ବୃଦ୍ଧି କରାଯିବ ଦକ୍ଷତା । ଏଥିପାଇଁ ଅର୍ବାନ ମ୍ୟାନେଜମେଣ୍ଟ ସେଣ୍ଟର ସହ ବିଭାଗର ବୁଝାମଣା ହୋଇଛି । ମନ୍ତ୍ରୀ ପ୍ରତାପ ଜେନାଙ୍କ ଉପସ୍ଥିତିରେ ଚୁକ୍ତି ସ୍ୱାକ୍ଷରିତ ହୋଇଛି । କଠିନ ବର୍ଜ୍ୟବସ୍ତୁ ପରିଚାଳନାରେ ଓଡ଼ିଶା ଅଗ୍ରଣୀ ରହିଛି ।

ସହରାଞ୍ଚଳକୁ ସ୍ୱଚ୍ଛ ରଖିବାରେ ଜାତୀୟ ପୁରସ୍କାର ପାଇଛି ରାଜ୍ୟ । ଏହାଦ୍ୱାରା ନିରନ୍ତର ବିକାଶ ସମ୍ଭବ ହୋଇପାରିଛି । ମିଶନଶକ୍ତି ଏସଏଚଜି ଗରିବଙ୍କ ଆର୍ଥିକ ବିକାଶ କରିପାରିଛି । ରାଜ୍ୟରେ ୬ଲକ୍ଷ ଏସଏଚଜି ଗ୍ରୁପରେ ୭୦ଲକ୍ଷ ମହିଳା ସାମିଲ ହୋଇଛନ୍ତି । ଏଥିସହ ବର୍ଜ୍ୟବସ୍ତୁ ପରିଚାଳନାରେ ଏସଏଚଜି ମାନଙ୍କୁ ମିଳିବ ବୈଷୟିକ ପ୍ରଶିକ୍ଷଣ । ପ୍ରଶିକ୍ଷଣରେ ନିୟୋଜିତ ହେବେ ୨୫୦ମେଣ୍ଟର, ୫୦୦ମାଷ୍ଟର ଟ୍ରେନର ।