ଗଞ୍ଜାମରେ ଚାଞ୍ଚଲ୍ୟ; ଶିଶୁକନ୍ୟାକୁ କୂଅରେ ଫିଙ୍ଗି ମାଆ ଫେରାର

ଗଞ୍ଜାମ: ଶିଶୁ କନ୍ୟାକୁ କୂଅରେ ଫିଙ୍ଗି ମାଆ ଫେରାର। ଗଞ୍ଜାମ ଜିଲ୍ଲା ସାନଖେମୁଣ୍ଡି ବ୍ଲକ ପାଟପୁର ଥାନା ଅନ୍ତର୍ଗତ କଙ୍କୋରଡ଼ା ବ୍ରାହ୍ମଣ ସାହିରେ ଏହି ଅଭାବନୀୟ ଘଟଣା ଘଟିଛି । ସୌଭାଗ୍ୟ ବଶତଃ ବଞ୍ଚିଯାଇଛି ଶିଶୁକନ୍ୟା ।

ଗତକାଲି ବିଳମ୍ବିତ ରାତ୍ରିରେ ଏଭଳି ଅଭାବନୀୟ ଘଟଣା କଙ୍କୋରଡ଼ା ବ୍ରାହ୍ମଣ ସାହିରେ ଘଟିଛି। କୂଅରୁ ଶିଶୁକନ୍ୟାକୁ ସ୍ଥାନୀୟ ବାସିନ୍ଦା ଉଦ୍ଧାର କରିଛନ୍ତି। ଶିଶୁକନ୍ୟା ଶୋଇଥିବା ବେଳେ ତା’ ମାଆ ଉଠାଇ ନେଇ କୂଅରେ ଫିଙ୍ଗିବା ପରେ ଫେରାର ହୋଇଯାଇଥିଲା। ଝିଅଟି କୂଅରେ ଓହଳିକି ଥିବା ଗ୍ରାମବାସୀ ସକାଳେ ଦେଖି ଉଦ୍ଧାର କରିଥିଲେ । ତେବେ କାହିଁକି ଶିଶୁକନ୍ୟାକୁ ମାଆ କୂଅରେ ଫିଙ୍ଗିଲା, କାରଣ ଜଣାପଡ଼ିନାହିଁ। ଏହି ଭିଡିଓ ଭାଇରାଲ ହେବା ପରେ ଅଞ୍ଚଳରେ ଆଲୋଡନ ସୃଷ୍ଟି ହୋଇଛି ।