ଟିଭି ଅଭିନେତ୍ରୀଙ୍କ ମାଆ ଆଣିଲେ ସାଂଘାତିକ ଅଭିଯୋଗ

ଭୁବନେଶ୍ୱର: ଟେଲି ଅଭିନେତ୍ରୀ ରଶ୍ମିରେଖା ଓଝାଙ୍କ ଆତ୍ମହତ୍ୟା ଘଟଣା । ରଶ୍ମିରେଖାଙ୍କ ମୃତ୍ୟୁକୁ ନେଇ ମା’ ଆଣିଛନ୍ତି ସାଂଘାତିକ ଅଭିଯୋଗ । ସନ୍ତୋଷ ନାମକ ଜଣେ ବ୍ୟକ୍ତି ରଶ୍ମରେଖାଙ୍କୁ ଜବରଦସ୍ତ ଶଙ୍ଖା ସିନ୍ଦୁର ପିନ୍ଧାଇ ପାଖରେ ରଖିଥିଲେ । ରଜ ପୂର୍ବରୁ ରଶ୍ମୀ ଯେତେବେଳେ ଗାଁକୁ ଯାଇଥିଲେ, ସେ କେଉଁଠି ଅଛନ୍ତି ବୋଲି ବୋଲି ଫୋନ୍ କରିଥିଲେ ସନ୍ତୋଷ । ଏହାର କିଛିଦିନ ପରେ ରଶ୍ମୀ ହାତଶିରା କାଟି ଦେଇଥିବା ବେଳେ ରଶ୍ମୀଙ୍କ ମା’ଙ୍କୁ ଫୋନ କରିଥିଲେ ସନ୍ତୋଷ । ରଶ୍ମୀ ଥାନାକୁ ଯିବାକୁ ଚାହୁଁଥିଲେ ହେଲେ ସେ ଛାଡ଼ିନଥିଲେ । ମେଡିକାଲ ନେବାକୁ ରଶ୍ମୀ କୁଆଡ଼େ ମନା କରୁଥିଲେ ବୋଲି ଫୋନରେ ରଶ୍ମୀଙ୍କ ମା’ଙ୍କୁ କହିଥିଲେ ସନ୍ତୋଷ । ଏହାପରେ ରଶ୍ମୀଙ୍କ ମୃତ୍ୟୁ ହୋଇଥିବା ତାଙ୍କ ମା’ ଅଭିଯୋଗ କରିଛନ୍ତି ।

ତେଣୁ ଏହା ଆତ୍ମହତ୍ୟା ନୁହେଁ ହତ୍ୟା ବୋଲି ଦାବି କରିଛନ୍ତି ରଶ୍ମୀ ପରିବାର ଲୋକ । ଗତକାଲି ନୟାପଲ୍ଲୀ ଥାନା ଗଡ଼ସାହିରେ ରଶ୍ମି ଆତ୍ମହତ୍ୟା କରିଥିଲେ । ଘର ଭିତରୁ ନୟାପଲ୍ଲୀ ଥାନା ପୋଲିସ ଏକ ସୁଇସାଇଡିଆଲ ନୋଟ ଜବତ କରିଥିଲା । ତାଙ୍କ ମୃତ୍ୟୁ ପାଇଁ ସେ କାହାରିକୁ ଦାୟୀ କରିନାହାନ୍ତି । ଗତକାଲି ରାତି ପ୍ରାୟ ୧୦ଟାରେ ରଶ୍ମି ଆତ୍ମହତ୍ୟା ଖବର ପାଇ ନୟାପଲ୍ଲୀ ଥାନା ପୋଲିସ ପହଞ୍ଚି ଶବ ଜବତ କରିଥିଲା ।

ବାପା ଓ ପରିବାର ଲୋକଙ୍କୁ କାହାରିକୁ ଦାୟୀ କରିବାକୁ ସେ ଚିଠିରେ ମନା କରିଛନ୍ତି । କୌଣସି ଅଘଟଣ କିମ୍ବା ମାନସିକ ଚାପକୁ ନେଇ ରଶ୍ମି ଏଭଳି ଆତ୍ମହତ୍ୟା କରିଥିବା ପୋଲିସ ସନ୍ଦେହ କରିଛି । ପୋଲିସ ଏକ ମାମଲା ରୁଜୁ କରି ତଦନ୍ତ ଆରମ୍ଭ କରିଛି । ଶବ ବ୍ୟବଚ୍ଛେଦ ରିପୋର୍ଟ ଆସିବା ପରେ ତଦନ୍ତ ଆଗକୁ ବଢାଯିବ ପୋଲିସ ସୂଚନା ଦେଇଛି । ଓଡ଼ିଆ ଟେଲି ଧାରାବାହିକ କେମିତି କହିବି କହରେ ଅଭିନୟ କରିଥିଲେ ରଶ୍ମିରେଖା ।