ଗୋରୁ ଉଦ୍ଧାର କରିବାକୁ ଯାଇ ନିଆଁରେ ମାଆପୁଅ ଗୁରୁତର

ଭଦ୍ରକ: ନିଆଁରେ ଜଳି ମାଆ, ପୁଅ, ଗୁରୁତର । ଧାମନଗର ବ୍ଲକ ଅନ୍ତର୍ଗତ ଦଳାଙ୍ଗ ପଞ୍ଚାୟତ ରାମେଶ୍ୱରପୁର ଗାଁରେ ଅଗ୍ନିକାଣ୍ଡ ଘଟିଛି । ଗାଁର ପୁରସ୍ତମ ସାହୁଙ୍କ ପରିବାର ଲୋକ ଖାଇପିଇ ଘରେ ଶୋଇଥିଲେ । ବିଳମ୍ବିତ ରାତିରେ ଗୁହାଳ ଘରେ ନିଆଁ ଲାଗି ଯାଇଥିଲା ।

ନିଆଁରୁ ଗୋରୁ ମାନଙ୍କୁ ଉଦ୍ଧାର କରିବାକୁ ଯାଇ ମାଆ,ପୁଅ ଜଳି ଯାଇଥିଲେ । ସ୍ଥାନୀୟ ଲୋକ ମାଆପୁଅଙ୍କୁ ଗୁରୁତର ଅବସ୍ଥାରେ ଉଦ୍ଧାର କରି ସ୍ଥାନୀୟ ମେଡିକାଲରେ ଭର୍ତ୍ତି କରିଛନ୍ତି । ଗୁହାଳ ଘରେ ଧୂଆଁ ଦିଆଯାଇଥିବା ଧୂଆଁରୁ ଏଭଳି ଅଗ୍ନିକାଣ୍ଡ ହୋଇଥିବା ଜଣାପଡ଼ିଛି ।