ତିନିମାସର ପୁଅକୁ ସାଢ଼େ ୬ ହଜାର ଟଙ୍କାରେ ଅନ୍ୟ ହାତକୁ ଟେକିଦେଲା ମାଆ

ଭୁବନେଶ୍ୱର: ମମତା ହେଲା ନିର୍ଦ୍ଦୟ । ନିଷ୍ଠୁର ହେଲା ମାଆର ହୃଦୟ । ଜନ୍ମ କଲା ଛୁଆକୁ କେଇଟା ଟଙ୍କା ପାଇଁ ବିକି ଦେଲା ମାଆ । ରାଜଧାନୀ ଭୁବନେଶ୍ୱରର ନୟାପଲ୍ଲୀ ଥାନା ଅଞ୍ଚଳରେ ଘଟିଛି ଏଭଳି ଘଟଣା । କିଛି ଟଙ୍କା ପାଇଁ ନିଜ ୩ ମାସର ପୁଅକୁ ବିକି ଦେଇଛି ମାଆ । ପୁଅ ବଦଳରେ ମାଆକୁ ମିଳିଛି ମାତ୍ର ୬ ହଜାର ୫ ଶହ ଟଙ୍କା ।

ଖବର ପାଇ ଚାଇଲ୍ଡ ଲାଇନ୍ ଟିମ୍ ଛୁଆକୁ ଉଦ୍ଧାର କରିବା ସହ ମାଆକୁ ହେପାଜତକୁ ନେଇଛି ପୋଲିସ । ଛୁଆ ବିକ୍ରି ପାଇଁ ହୋଇଥିବା ଏଗ୍ରିମେଣ୍ଟକୁ ଜବତ କରିଛି ନୟାପଲ୍ଲୀ ଥାନା ପୋଲିସ । ତେବେ ଛୁଆ କିଣୁଥିବା ଦମ୍ପତି ଘଟଣାସ୍ଥଳରୁ ଫେରାର୍ ହେବାରେ ସକ୍ଷମ ହୋଇଛନ୍ତି । ପୋଲିସ ମାଆକୁ ପଚରାଉଚରା କରୁଥିବା ବେଳେ ପିଲା କିଣିବାକୁ ଆସିଥିବା ଦମ୍ପତିଙ୍କୁ ଖୋଜୁଛି ।