ନାବାଳକ ହତ୍ୟାକାରୀଙ୍କ ପିତା ୧୦ ବର୍ଷ ହେଲା ଜେଲରେ କାଟୁଛନ୍ତି ସଜା

ଭୁବନେଶ୍ୱର: ସୁନ୍ଦରପଦାରେ ମାଆକୁ ୨ ନାବାଳକ ପୁଅ ହତ୍ୟା ଘଟଣାରେ ଆସିଲା ନୂଆ ତଥ୍ୟ । ୨ ନାବାଳକଙ୍କ ବାପା ଜଣେ ଅପରାଧୀ । ୧୦ ବର୍ଷ ହେଲା ସେ ପୁରୀ ସର୍କଲ ଜେଲରେ ସଜା କାଟୁଛନ୍ତି । ୨୦୧୧ରେ ବ୍ରହ୍ମଗିରି ଅଞ୍ଚଳରେ ଜଣଙ୍କୁ ଗୁଳିକରି ହତ୍ୟା କରିଥିଲେ । ଭୋଜି ବେଳେ ବଚସାକୁ ନେଇ ଗୁଳିମାଡ଼ କରିଥିଲେ ନାବାଳକଙ୍କ ବାପା । ନାବାଳକଙ୍କ ବାପାଙ୍କ ନାମ ମିଟୁ ଓରଫ ନିହାର ରଞ୍ଜନ ପ୍ରଧାନ । ଏସଂପର୍କରେ କମିଶନରେଟ ପୋଲିସ ସୂଚନା ଦେଇଛି ।

ବୁଧବାର ବିଳମ୍ବିତ ରାତିରେ ଏୟାରଫିଲ୍ଡ ଥାନା ଅଞ୍ଚଳର ଅରଚିଡ୍ ଆପାର୍ଟମେଣ୍ଟରେ ନିଶାସକ୍ତ ମାଆକୁ ହତ୍ୟା କରିଥିଲେ ୨ ନାବାଳକ ପୁଅ । ଏହାପରେ ଉଭୟ ଫେରାର ହୋଇଯାଇଥିଲେ । ପଡ଼ୋଶୀଙ୍କୁ ଫୋନ୍ କରି କହିଥିଲେ ତାଙ୍କ ମାଆଙ୍କୁ କେହି ଆକ୍ରମଣ କରିଛି । ପରେ ପୋଲିସ ଦୁଇ ନାବାଳକ ପୁଅଙ୍କୁ ରେଲୱେ ଷ୍ଟେସନରୁ ଧରିଥିଲା । । ଜଣେ ଦଶମ ଶ୍ରେଣୀର ଛାତ୍ର ଥିବାବେଳେ ଅନ୍ୟଜଣେ ଅଷ୍ଟମ ଶ୍ରେଣୀର ଛାତ୍ର ଥିବା ଜଣାପଡ଼ିଛି ।

ଘଟଣା ସ୍ଥଳରୁ ପୋଲିସ ମଦ ବୋତଲ, ସିଗାରେଟ ଜବତ କରିଛି । ମାଆ ପ୍ରତିଦିନ ମଦ୍ୟପାନ ପରେ ସେମାନଙ୍କ ଉପରେ ଅତ୍ୟାଚାର କରୁଥିବା କୁହାଯାଉଛି । ଯାହାକୁ ସହିନପାରି ଦୁଇ ନାବାଳକ ପୁଅ ମାଆକୁ ଏକ ଲୁହା ରଡରେ ହତ୍ୟା କରିଥିବା ସନ୍ଦେହ କରାଯାଉଛି । ପୋଲିସ ଉଭୟଙ୍କୁ ପଚରାଉଚରା କରୁଛି ।