ଅସୁସ୍ଥ ପୁଅକୁ ମେଡିକାଲ ନେଇଥିବା ମାଆଙ୍କ ମୃତ୍ୟୁ

ଜଳେଶ୍ବର: ଅସୁସ୍ଥ ପୁଅକୁ ଚିକିତ୍ସା ପାଇଁ ଡାକ୍ତରଖାନାକୁ ନେଇ ଯାଇଥିଲେ ମାଆ । କିନ୍ତୁ ଡାକ୍ତରଖାନାରେ ଚାଲିଗଲା ମାଆଙ୍କ ଜୀବନ । ବାଲେଶ୍ବର ଜିଲ୍ଲା ଜଳେଶ୍ୱର ହାତୀଗଡ଼ ଅଞ୍ଚଳରେ ଏଭଳି ଦୁଃଖଦ ଘଟଣା ଘଟିଛି । ରାଇବଣିଆ ଥାନା ଅନ୍ତର୍ଗତ କାଳିକ ପଞ୍ଚାୟତ ରଙ୍ଗାମାଟିଆ ଗାଁର ସଲମନ ମୁର୍ମୁ ଅସୁସ୍ଥ ଥିଲେ । ତାଙ୍କୁ ତାଙ୍କ ମାଆ ମାଇନ ମୁର୍ମୁ ହାତୀଗଡ଼ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରକୁ ନେଇ ଯାଇଥିଲେ । କିନ୍ତୁ ହଠାତ ଡାକ୍ତରଖାନାରେ ଅସୁସ୍ଥ ହୋଇପଡ଼ିଥିଲେ ମାଆ ମାଇନ ମୁର୍ମ । ତାଙ୍କର ଚିକିତ୍ସା କରାଯାଇଥିଲା । କିନ୍ତୁ ଡାକ୍ତରଖାନାରେ ମାଆ ମାଇନ ମୁର୍ମୁଙ୍କର ମୃତ୍ୟୁ ହୋଇଛି ।