ଟ୍ରେନ ଧକ୍କାରେ ମାଆ-ଝିଅ ମୃତ

ଯାଜପୁର: ଟ୍ରେନ୍‌ରେ କଟି ମା’-ଝିଅଙ୍କ ମୃତ୍ୟୁ । ଯାଜପୁର ରୋଡ୍‌ ରେଳ ଷ୍ଟେସନ ନିକଟରେ ଏହି ଦୁର୍ଘଟଣା ଘଟିଛି । ମା’-ଝିଅଙ୍କୁ ହାୱଡ଼ା-ପୁରୀ ପାସେଞ୍ଜର ଟ୍ରେନ୍‌ ଧକ୍କା ଦେଇଥିଲା । ମୃତ ମା’-ଝିଅ ହେଲେ ଯାଜପୁର ଜିଲ୍ଲା କୋରାଇ ଥାନା ଚାନ୍ଦମା ଗାଁର କାଠି ରଣା ଓ ଗୁରୁବାରୀ ରଣା । କେଉଁ ପରିସ୍ଥିତିରେ ଟ୍ରେନ୍‌ ସେମାନଙ୍କୁ ଧକ୍କା ଦେଲା ତାହା ଜଣାପଡ଼ିନାହିଁ ।

ସେମାନେ ଆତ୍ମହତ୍ୟା କରିଥିବା ଷ୍ଟେସନ ମ୍ୟାନେଜରଙ୍କୁ ଟ୍ରେନ୍‌ ଡ୍ରାଇଭର ଜଣାଇଛନ୍ତି । ରେଳବାଇ ପୋଲିସ ମୃତଦେହ ଉଦ୍ଧାର କରିବା ସହିତ ତଦନ୍ତ ଆରମ୍ଭ କରିଛି । ମୃତ ଓ କାଠି ରଣା ଓ ତାଙ୍କ ଝିଅ ଗୁରୁବାରୀ ଅତ୍ୟନ୍ତ ଗରିବ । ଝିଅ ଗୁରୁବାରୀ ଏକ ସ୍କୁଲରେ କାମ କରି ପରିବାର ଚଳାନ୍ତି । କୈାଣସି କାମ ପାଇଁ ଅହମ୍ମଦ ନଗର ଅଞ୍ଚଳକୁ ଯାଇଥିବା ବେଳେ ଅଘଟଣ ଘଟିଛି ।