ତଲାସି ବେଳେ ଗାଡ଼ିରେ ଥିଲା ନାଗା, ମାଡ଼ି ବସିଲା ପୋଲିସ

ନୟାଗଡ଼: ପୋଲିସର ଅଜ୍ଞାତରେ ଥିଲା ନାଗା  । ଅଜାଣତରେ ତଲାସି ବେଳେ ଜଣାପଡ଼ିଲା ଗାଡ଼ିରେ ଅଛି କୁଖ୍ୟାତ ନାଗା ଓରଫ ଟୁକୁନା ।  ଚଢ଼ାଉବେଳେ ଧରାପଡ଼ିଲା କୁଖ୍ୟାତ ଅପରାଧୀ ନାଗା ଓରଫ ଟୁକୁନା ବେହେରା । ଗିରଫ କଲା ନୟାଗଡ଼ ଫତେଗଡ ଥାନା ପୋଲିସ । ନାଗା ନିଟରୁ 43 ଗ୍ରାମ ବ୍ରାଉନସୁଗାର ଜବତ କରିଛି ପୋଲିସ୍ । କୌଣସି ସୂତ୍ରରୁ ଖବର ପାଇ ଫତେଗଡ ଥାନା ଏସଆଇ ପୋଲିସ ଫୋର୍ସ ସହ ଭାପୁର ଷ୍ଟେଟବ୍ୟାଙ୍କ ଛକରେ ଅପେକ୍ଷା କରିଥିଲେ ।

ମିଳିଥିବା ସୂଚନା ମୁତାବକ କଳାପଥର ଭାପୁର ବାଇପାସ ରୋଡରେ ଆସୁଥିବା ଆକ୍ଟିଭାକୁ ଅଟକାଇ ତଲାସିବେଳେ ଗାଡିରେ ଥିବା ବନମାଳୀପୁର ଗାଁର ଦୁର୍ଦ୍ଦାନ୍ତ ନାଗା ଥିବା ଜାଣିବାକୁ ପାଇଥିଲେ । ନାଗା ବିରୋଧରେ ଫତେଗଡ ଓ ଅନ୍ୟ ଥାନାରେ ଅନେକ ମାମଲା ରହିଛି । ସେ ଅନେକ ଦିନ ଧରି ଫେରାର ଥିଲା । ନାଗାକୁ ଗିରଫ ପରେ କୋର୍ଟ ଚାଲଣ କରାଯାଇଥିବା ପୋଲିସ ସୂଚନା ଦେଇଛି ।