ଆରମ୍ଭ ହେଲା ପୁରୀ ସ୍ବର୍ଗଦ୍ବାର ଶବ ସଂରକ୍ଷଣ ଫ୍ରିଜର

ପୁରୀ: ସ୍ଵର୍ଗଦ୍ଵାର ସେବା ସମିତି ଦ୍ବାରା ଉତ୍କଳ ଦିବସ ଅବସରରେ ପୁରୀ ସ୍ବର୍ଗଦ୍ବାର ଆରମ୍ଭ ହେଲା ଶବ ସଂରକ୍ଷଣ ଫ୍ରିଜର ସେବା । ଆଜି ପୁରୀ ରେଡକ୍ରସ ରୋଡ ନିବାସୀ ଲୀଳା ଶର୍ମା ନିଜ ସ୍ବର୍ଗତ ଶାଶୁଙ୍କ ଶବ ସଂରକ୍ଷଣ ପାଇଁ ସ୍ବର୍ଗଦ୍ବାର ସେବା କେନ୍ଦ୍ର ସହିତ ଯୋଗାଯୋଗ କରିଥିଲେ । ସ୍ବର୍ଗଦ୍ଵାର ତରଫରୁ ତାଙ୍କୁ ତୁରନ୍ତ ଏହି ସେବା ଯୋଗାଇ ଦିଆଯାଇଛି ।

ଏହା ଏକ ପ୍ରିପେଡ୍ ସେବା ହୋଇଥିବାରୁ ସମସ୍ତେ ଏହି ସୁବିଧା ପାଇପାରିବେ ବୋଲି ସମିତି ପକ୍ଷରୁ କୁହାଯାଇଛି । କୌଣସି ବ୍ୟକ୍ତି ଚାହିଁଲେ ୨୪ ଘଣ୍ଟାକୁ ଏକ ହଜାର ଟଙ୍କା ଦେଇ ଏହାର ସୁବିଧା ପାଇ ପାରିବେ । ଏହା ସହିତ ମୃତ ବ୍ୟକ୍ତିଙ୍କ ଶବ ଆଣିବା ପାଇଁ ସ୍ବର୍ଗଦ୍ବାର ସେବା ସମିତି ତରଫରୁ ସ୍ବର୍ଗ ରଥର ମଧ୍ୟ ବ୍ୟବସ୍ଥା କରାଯାଇଛି । ପୁରୀ ମ୍ୟୁନିସିପାଲିଟି ପରିସୀମା ମଧ୍ୟରେ ୭୫୦ ଟଙ୍କା ଓ ପୁରୀ ପୌରାଞ୍ଚଳଠାରୁ 10 କିମି ମଧ୍ୟରେ 12 ଶହ ଟଙ୍କା ଦେଇ ଲୋକେ ଏହାର ସୁବିଧା ପାଇପାରିବେ ।