ବଢ଼ୁଛି ସାଇବର ଠକେଇ, ମାସକରେ ୧ କୋଟି ୩୮ଲକ୍ଷ ଟଙ୍କା ଲୁଟ୍
1 min read
ଭୁବନେଶ୍ୱର: ରାଜ୍ୟରେ ଦିନକୁ ଦିନ ବଢ଼ିବାରେ ଲାଗିଛି ସାଇବର ଠକେଇ ମାମଲା । ଗତମାସରେ ସାଇବର ସେଲ ଭୁବନେଶ୍ୱର ପ୍ରାୟ ୩୬୮ କଲ୍ ରିସିଭ୍ କରିଛି । ସେଥି ମଧ୍ୟରୁ ୩୨୧ କଲ୍ ଭୁବନେଶ୍ୱରରୁ ଆସିଥିବା ବେଳେ ୪୭ କଲ୍ ଅନ୍ୟ ଜିଲ୍ଲାରୁ ରିପୋର୍ଟ ହୋଇଛି । ସୋସିଆଲ ମିଡିଆ, UPI, ଡେବିଟ, କ୍ରେଡିଟ କାର୍ଡ ଯୋଗେ ଠକେଇ ହୋଇଛି।
ତେବେ ଭୁବନେଶ୍ୱର ଡିସିପିଙ୍କ ମୁତାବକ ଗତମାସରେ ସର୍ବମୋଟ ୧ କୋଟି ୩୮ଲକ୍ଷ ୬୪ ହଜାର ଟଙ୍କାର ଠକେଇ ହୋଇଛି । ସେଥିରୁ ୩୦ଲକ୍ଷ ୩୮ହଜାର ଟଙ୍କା ଫ୍ରିଜ କରିବା ବା ଫେରାଇ ଆଣିବାରେ ସକ୍ଷମ ହୋଇଛି ସାଇବର ସେଲ । ଅନ୍ୟ କେସ୍ ଗୁଡ଼ିକର ତଦନ୍ତ ଚାଲିଛି । ସେହିପରି ଗତ ୭ ମାସରେ ୭ କୋଟି ୭୯ ଲକ୍ଷ ଟଙ୍କାର ଚୂନ ଲଗାଇଛନ୍ତି ଅଦୃଶ୍ୟ ଠକ । ୭୦ ଲକ୍ଷ ଫେରସ୍ତ ଆସିପାରିଛି । ୬୧ ଲକ୍ଷ ଟଙ୍କା ବ୍ଲକ କରାଯାଇଛି ବୋଲି ସୂଚନା ଦେଇଛନ୍ତି ଭୁବନେଶ୍ୱର ଡିସିପି ।
