ନୂଆଦିଲ୍ଲୀ: ଦେଶରେ ଜୋରଦାର ଚାଲିଛି କରୋନା ଟିକାକରଣ କାର୍ଯ୍ୟକ୍ରମ। ଦେଶରେ ୧ କୋଟିରୁ ଅଧିକ ଲୋକଙ୍କୁ କରୋନା ଟିକା ଦିଆସରିଲାଣି। ସୂଚନା ମୁତାବକ ଏବେ ସୁଦ୍ଧା ଦେଶରେ ୧ କୋଟି ୧ ଲକ୍ଷ ୮୮ହଜାର ୭ ଜଣଙ୍କୁ କରୋନା ଟିକା ଦିଆଯାଇଛି।
ଜାନୁୟାରୀ ୧୬ ତାରିଖରୁ ଦେଶରେ ଟିକାକରଣ ଆରମ୍ଭ ହୋଇଥିଲା । ୩୩ ଦିନ ମଧ୍ୟରେ ୧ କୋଟିରୁ ଊର୍ଦ୍ଧ୍ୱ ଲୋକଙ୍କୁ ଟିକା ଦିଆଯାଇଛି। ଅନ୍ୟପଟେ ଦିନକୁ ଦିନ କରୋନା ସଂକ୍ରମଣ ହ୍ରାସ ପାଇବାରେ ଲାଗିଛି। ଗତ ୨୪ ଘଣ୍ଟାରେ ଦେଶରେ ୧୩ ହଜାର ୧୯୩ ମାମଲା ନଜରକୁ ଆସିଛି। ସେପଟେ ୧୦ହଜାର ୮୯୬ ଜଣ ମେଡିକାଲକୁ ଡିସ୍ଚାର୍ଜ ହୋଇଥିବା ବେଳେ ଗୋଟିଏ ଦିନରେ ୯୭ ଜଣଙ୍କ ମୃତ୍ୟୁ ଘଟିଛି । ଏବେ ଦେଶରେ ସମୁଦାୟ ୧ଲକ୍ଷ ୩୯ ହଜାର ୫୪୨ ଆକ୍ଟିଭ୍ କେସ୍ ରହିଛି ।
