ଆଖଣ୍ଡଳମଣିଙ୍କ ପୀଠକୁ ଛୁଟୁଛନ୍ତି କାଉଡିଆ, ରବିବାର ଅପରାହ୍ଣରୁ ଚାଲିଛି ଜଳଲାଗି

ଆରଡି: ଆଜି ଶ୍ରାବଣ ଦ୍ବିତୀୟ ସୋମବାର । ଚଳଚଞ୍ଚଳ ରାଜ୍ୟର ସମସ୍ତ ଶୈବ ପୀଠ । ଦେବଦେବ ମହାଦେବଙ୍କ ଉପରେ ପାଣି ଢାଳି ଶୁଭ ମନାସୁଛନ୍ତି କାଉଡ଼ିଆ । ଭୁବନେଶ୍ବରର ଲିଙ୍ଗରାଜ, ପୁରୀର ଲୋକନାଥ, ନୟାଗଡର ଲଡୁବାବା, ଢେଙ୍କାନାଳର କପିଳାସ ମନ୍ଦିରରେ ପାଣି ଢାଳୁଛନ୍ତି ଭକ୍ତ ।

ସେହିପରି ଶ୍ରାବଣ ସୋମବାରରେ ଜଳଲାଗି ପାଇଁ ଆରଡି ଆଖଣ୍ଡଳମଣିଙ୍କ ପୀଠରେ ୫୦ ହଜାରରୁ ଉର୍ଦ୍ଧ କାଉଡିଆଙ୍କ ଭିଡ। ରବିବାର ଅପରାହ୍ଣରୁ ଜଳଲାଗି କରାଯାଉଛି । ରାଜ୍ୟ ଓ ରାଜ୍ୟ ବାହାରୁ କାଉଡିଆ ଭକ୍ତମାନେ ବିଭିନ୍ନ ନଦୀରୁ ପାଣିଭାର ଉଠାଇ ଖାଲି ପାଦରେ ଚାଲିଚାଲି ରବିବାର ପହଁଚିଥିଲେ ବାବାଙ୍କ ପୀଠରେ।

ଦେହରେ ଗେରୁଆ ବସ୍ତ୍ର ଆଉ ତୁଣ୍ଡରେ ଶିବ ନାମ ଆଧ୍ୟ୍ୟାତ୍ମିକ ପରିବେଶ ସୃଷ୍ଟି କରିଛି । ଏପରିକି ବୋଲବମ ହରହରବୋମ ଧ୍ବନିରେ ପ୍ରକମ୍ପିତ ହେଉଛି ସାରା ପରିବେଶ।