ବିଜେଡିରେ ସାମିଲ୍ ହେଲେ ୫ ହଜାରରୁ ଅଧିକ କଂଗ୍ରେସ କର୍ମୀ
ସମ୍ବଲପୁର: ସମ୍ବଲପୁର ଜିଲ୍ଲାରେ ବଢ଼ିଲା ବିଜେଡିର ବଳ । ରେଢ଼ାଖୋଲ ନିର୍ବାଚନ ମଣ୍ଡଳୀର ଯୁଯୁମୁରା ବ୍ଲକରେ ବିଜେଡିର ମିଶ୍ରଣ ପର୍ବ ଅନୁଷ୍ଠିତ ହୋଇଛି । ବିଜେଡିରେ ୫ ହଜାରରୁ ଅଧିକ କଂଗ୍ରେସ କର୍ମୀ ସାମିଲ୍ ହୋଇଛନ୍ତି । କଂଗ୍ରେସର ପୂର୍ବତନ ରାଜ୍ୟ ସାଧାରଣ ସମ୍ପାଦକ ତଥା ସମ୍ବଲପୁର ଯୁବ କଂଗ୍ରେସ କମିଟିର ପୂର୍ବତନ ସଭାପତି ବରୁଣ ଦେହୁରୀ ସମର୍ଥକଙ୍କ ସହ ଶଙ୍ଖ ଧରିଛନ୍ତି । ମୁଖ୍ୟମନ୍ତ୍ରୀଙ୍କ ବିକାଶଧାରାରେ ଅନୁପ୍ରେରିତ ହୋଇ ବିଜେଡିରେ ସାମିଲ ହୋଇଥିବା କହିଛନ୍ତି ବରୁଣ ଦେହୁରୀ ।
ମିଶ୍ରଣ ପର୍ବରେ ବିଜେଡି ସାଂଗଠନିକ ସମ୍ପାଦକ ପ୍ରଣବ ପ୍ରକାଶ ଦାସ ଭର୍ଚୁଆଲରେ ସାମିଲ ହୋଇ ନେତା ଓ କର୍ମୀଙ୍କୁ ସ୍ୱାଗତ କରଥିଲେ । ସେହିଭଳି ଶ୍ରମ ମନ୍ତ୍ରୀ ସୁଶାନ୍ତ ସିଂ, ସମ୍ବଲପୁର ଜିଲ୍ଲା ପର୍ଯ୍ୟବେକ୍ଷକ ନଳୀନିକାନ୍ତ ପ୍ରଧାନ, ରେଢ଼ାଖୋଲ ବିଧାୟକ ରୋହିତ ପୂଜାରୀ, ଜିଲ୍ଲା ବିଜେଡି ସଭାପତି ସିଦ୍ଧାର୍ଥ ଦାସଙ୍କ ସମେତ ବହୁ ବିଜେଡି ନେତା ସାମିଲ୍ ହୋଇଥିଲେ ।
