ନନ୍ଦିଘୋଷ ବ୍ୟୁରୋ: ମାଳଦ୍ଵୀପରେ ଫସିଛନ୍ତି ୪୦ରୁ ଅଧିକ ଓଡ଼ିଆ ଯୁବକ । ୬ ମାସ ତଳେ ରୋଜଗାର ଆଶାରେ ମାଳଦ୍ଵୀପ ଯାଇଥିଲେ। ଗଞ୍ଜାମ ଜିଲ୍ଲା ଖଲ୍ଲିକୋଟରୁ ୧୫ ଜଣ ଯୁବକଙ୍କ ସମେତ ଓଡ଼ିଶାରୁ ୪୦ ଜଣ ଯୁବକ ମାଳଦ୍ୱୀପ ଯାଇଥିଲେ । ସେଠାରେ କାମ କରିବା ପରେ ଏକ ମାସ ଠିକରେ ଦରମା ଦେଇଥିଲା କମ୍ପାନୀ । ପରବର୍ତ୍ତୀ ମାସ ଠାରୁ କମ୍ପାନୀ ଠିକରେ ଦରମା ଦେଉନଥିବା ଅଭିଯୋଗ ହୋଇଛି । ଖାଇବା ପାଇଁ ଟଙ୍କା ମାଗୁଥିବା ବେଳେ ରହୁଥିବା ରୁମର ବିଦ୍ୟୁତ ବିଚ୍ଛିନ୍ନ କରି ଦେଇଛନ୍ତି କମ୍ପାନୀ କର୍ତ୍ତୃପକ୍ଷ।
ସୂଚନା ଅନୁଯାୟୀ, ମାଳଦ୍ଵୀପରେ ଚାଲିଥିବା ଏୟାରପୋର୍ଟ କାମ ନେଇଥିବା ଗାନ ଇଗ୍ନେସ ନାମକ କମ୍ପାନୀକୁ ଓଡ଼ିଆ ଯୁବକ ସମେତ ଅନ୍ୟ ରାଜ୍ୟର ଅନେକ ଯୁବକ ଯାଇଥିବା ବେଳେ ସମସ୍ତେ ଫସି ରହିଛନ୍ତି । ଭିଡିଓ ବାର୍ତ୍ତା ମାଧ୍ୟମରେ ସେମାନଙ୍କୁ ଉଦ୍ଧାର କରିବା ପାଇଁ ଅନୁରୋଧ କରିଛନ୍ତି ସମସ୍ତେ ।
