ସେପ୍ଟେମ୍ବର ସୁଦ୍ଧା ୨୩ ହଜାରରୁ ଊର୍ଦ୍ଧ୍ବ ଯନ୍ତ୍ରପାତି କିଣିଛନ୍ତି ୨୧ ହଜାରରୁ ଉର୍ଦ୍ଧ୍ବ ଚାଷୀ

ଭୁବନେଶ୍ବର: ୨୦୨୩ ସେପ୍ଟେମ୍ବର ୨୨ ଯାଏଁ ୨୧ ହଜାର ୭୬୪ ଚାଷୀ ୨୩ ହଜାର ୭୧୨ ଯନ୍ତ୍ରପାତି କ୍ରୟ କରିଛନ୍ତି । ଏହି ସମୟ ମଧ୍ୟରେ ୧୩୪ କୋଟି ୩୪ ଲକ୍ଷ ଟଙ୍କା ରିହାତି DBT ମାଧ୍ୟମରେ ମିଳିଛି । ସେହିପରି ୩ ହଜାର ୪୪୮ ମହିଳା SHG ୪ ହଜାର ୫୫୬ ଯନ୍ତ୍ରପାତି କ୍ରୟ କରି ୩୪.୭୯ କୋଟି ରିହାତି ପାଇଛନ୍ତି ବୋଲି କହିଛନ୍ତି କୃଷିମନ୍ତ୍ରୀ ରଣେନ୍ଦ୍ର ପ୍ରତାପ ସ୍ବାଇଁ ।

୨୦୨୨-୨୩ରେ ୪୯ ହଜାର ୨୨ ଚାଷୀ ୭୩ ହଜାର ୬୭୪ ଯନ୍ତ୍ରପାତି କ୍ରୟ କରିଛନ୍ତି । ଯେଉଁଥିରେ ୨୨ କୋଟିରୁ ଅଧିକ ରିହାତି DBT ମାଧ୍ୟମରେ ମିଳିଛି ବୋଲି ସେ କହିଛନ୍ତି । ଯନ୍ତ୍ରପାତି କିଣା ପାଇଁ ସାଧାରଣ ବର୍ଗ ଚାଷୀଙ୍କ ପାଇଁ ୪୦-୫୦%, ମହିଳା ଓ ସଂରକ୍ଷିତ ବର୍ଗଙ୍କ ପାଇଁ ୫୦-୬୦% ଓ ମହିଳା SHG ପାଇଁ ୭୫% ସବସିଡି ପ୍ରଦାନ କରୁଛନ୍ତି ରାଜ୍ୟ ସରକାର ।

ବର୍ତ୍ତମାନ ସ୍ଥିତିରେ ଶୀତଳ ଭଣ୍ଡାର ପୁରୁଣା ପ୍ରଣାଳୀ ହୋଇଯାଇଛି । କାରଣ ଏହା ଅଧିକ ଖର୍ଚ୍ଚାନ୍ତ କରୁଛି ଯେଉଁଥିପାଇଁ ପନିପରିବା ସଂରକ୍ଷଣ ପାଇଁ ୧୦୦୦ କୋଲ୍ଡ ଚେନ ବ୍ୟବସ୍ଥା କରାଯାଉଛି । କୋରାପୁଟ ଚାଷୀ ଏଥିରେ ଲାଭ ପାଇଛନ୍ତି । କେନ୍ଦ୍ର ସରକାର ସବମିଶନ ଆଣ୍ଡ ଏଗ୍ରିକଲଚର ମେକାନିଜମ ଜରିଆରେ ସହାୟତା ଦେବା କଥା, ସେଥିରେ ଓଡ଼ିଶାକୁ କିଛି ମିଳି ନଥିଲା । ଚଳିତ ବର୍ଷ ଓଡ଼ିଶାକୁ ୫୫ କୋଟି ମିଳିବାକୁ ଥିବାବେଳେ ମାତ୍ର ୧୩ କୋଟି ମିଳିଛି ବୋଲି କହିଛନ୍ତି ମନ୍ତ୍ରୀ । ଅନ୍ୟପଟ ସୁନ୍ଦରଗଡ଼ ବିଧାୟିକା କୁସୁମ ଟେଟେଙ୍କୁ ଗୃହରେ କଟାକ୍ଷ କରିଛନ୍ତି କୃଷିମନ୍ତ୍ରୀ ।