ବିଜେଡିର ମିଶ୍ରଣ ପର୍ବ, ସାମିଲ ହେଲେ ୨ ଶହରୁ ଅଧିକ କର୍ମୀ

ଭଦ୍ରକ: ଭଦ୍ରକରେ ବିଜେଡିର ମିଶ୍ରଣ ପର୍ବ। ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ବିକାଶ ମୂଳକ କାର୍ଯ୍ୟରେ ଅନୁପ୍ରାଣିତ ହୋଇ ଭଦ୍ରକ ପୌରପାଳିକା ପୁରୁଣା ବଜାର ଅଂଚଳର ଯୁବନେତା ସେକ ଅମୀରଙ୍କ ନେତୃତ୍ବରେ ୨ଶହରୁ ଅଧିକ କର୍ମୀ ବିଜେଡିରେ ସାମିଲ ହୋଇଛନ୍ତି । ବିଶାଳ ମୋଟର ସାଇକେଲ ରାଲି କରି ସହିଦ ସ୍ମୃତି ଭବନରେ ପହଞ୍ଚି ମିଶ୍ରଣ ପର୍ବରେ ସାମିଲ ହୋଇଥିଲେ । ଏହି ମିଶ୍ରଣ ପର୍ବରେ ଭଦ୍ରକ ବିଧାୟକ ସଞ୍ଜୀବ ମଲ୍ଲିକ, ଜିଲ୍ଲା ସଭାପତି ଜଗନ୍ନାଥ ସ୍ୱାଇଁ, ବିଜୁ ଯୁବ ଜନତା ଦଳର ସଭାପତି ମୁକୁନ୍ଦ ଦେବ ସମଲ୍, ରାଜ୍ଯ କାର୍ଯ୍ୟକାରିଣୀ ସଂପାଦକ ରାକେଶ ପାଣ୍ଡାଙ୍କ ସମେତ ବହୁ ନେତା ଓ କର୍ମୀ ସାମିଲ ଥିଲେ । ମୁଖ୍ୟମନ୍ତ୍ରୀ ନଵୀନ ପଟ୍ଟନାୟକଙ୍କ ନୀତି ଆଦର୍ଶ ଓ ଜନହିତକର କାର୍ଯ୍ୟକୁ ନେଇ ଅନୁପ୍ରାଣିତ ହୋଇ ବିଜେଡିରେ ସାମିଲ ହୋଇଥିବା କହିଛନ୍ତି ସେଖ ଅମୀର ।