ତାତିରୁ ତ୍ରାହି, ଆଗାମୀ ୫ ଦିନ ପ୍ରବଳ ବର୍ଷିବ

ନୂଆଦିଲ୍ଲୀ: ଦିଲ୍ଲୀ ଓ ଉତ୍ତର ପ୍ରଦେଶ ସମେତ ପ୍ରବଳ ତାତିରେ ଯନ୍ତ୍ରଣା ଭୋଗୁଥିବା ଉତ୍ତର ଭାରତ ଏବେ ମୌସୁମୀ ଅପେକ୍ଷାରେ  । ଆଉ ଏହାରି ମଧ୍ୟରେ ଖୁସି ଖବର ଦେଇଛି ଭାରତୀୟ ପାଣିପାଗ ବିଭାଗ   । ଦକ୍ଷିଣ ପଶ୍ଚିମ ମୌସୁମୀ ବାୟୁ ଆରବ ସାଗରର କିଛି ଭାଗ, ପୂର୍ବ ଗୋଆ, କୋଙ୍କଣର କିଛି ଭାଗ ଓ କର୍ଣ୍ଣାଟକର କିଛି ଭାଗ ଦେଇ ଅଗ୍ରସର ହେଉଛି  ।

ଯେଉଁଥିପାଇଁ ଆଗାମୀ ୫ ଦିନ ପର୍ଯ୍ୟନ୍ତ କିଛି ରାଜ୍ୟରେ ବର୍ଷା ଲାଗି ରହିବ  । ଖାସ କରି ୫ ଦିନ ପର୍ଯ୍ୟନ୍ତ ପୂର୍ବ ଭାରତ, ଉପ ହିମାଳୟର ପଶ୍ଚିମବଙ୍ଗ ଅଂଶ ଓ ସିକିମରେ ପ୍ରବଳ ବର୍ଷା ଅନୁମାନ କରାଯାଉଛି  । ସେହିପରି ବିହାର ଓ ଝାଡଖଣ୍ଡରେ ମଧ୍ୟ ଆଗାମୀ ଦୁଇ ଦିନ ପର୍ଯ୍ୟନ୍ତ ବର୍ଷା ଲାଗି ରହିବ  ।

ମହାରାଷ୍ଟ୍ରରେ କିନ୍ତୁ ଏଣ୍ଟ୍ରି କରିଛି ମୌସୁମୀ  । ଜୁନ ୧୪ ଯାଏଁ ରାଜ୍ୟରେ ବର୍ଷା ଲାଗି ରହିବ  । ଆଜି ମୁମ୍ବାଇରେ ସର୍ବନିମ୍ନ ତାପମାତ୍ରା ୨୬ ଡିଗ୍ରୀ ଥିବାବେଳେ ସର୍ବାଧିକ ତାପମାତ୍ରା ୩୪ ଡିଗ୍ରୀ ରେକର୍ଡ କରାଯାଇଛି  ।