ନନ୍ଦିଘାେଷ ବ୍ୟୁରୋ: ମଙ୍କିପକ୍ସର ହେବ ସଫଳ ମୁକାବିଲା। ସଂକ୍ରମଣ ରୋକିବା ଲାଗି ଜିନେଓସ ଟିକାକୁ ଅନୁମୋଦନ କଲା ବିଶ୍ବ ସ୍ବାସ୍ଥ୍ଯ ସଂଗଠନ। ‘ଜିନେଓସ’ ନାମରେ ପରିଚିତ ବାଭାରିଆନ୍ ନୋର୍ଡିକର ଟିକାକୁ ଅନୁମୋଦନ ମିଳିଛି। ଏହା ସହ ଜାପାନର କେ.ଏମ. ବାୟୋଲୋଜିକସ ଦ୍ବାରା ପ୍ରସ୍ତୁତ ଏଲସି ୧୬ଟିକାକୁ ମଧ୍ଯ ସଂଗଠନ ଯାଞ୍ଚ କରୁଛି। ଏହି ଟିକାକୁ ଜାତିସଂଘ ଏଜେନ୍ସିଗୁଡ଼ିକ କିଣିବେ ଏବଂ ବାଣ୍ଟିବା ଦାୟିତ୍ବ ନେବେ।
ସ୍ବାସ୍ଥ୍ଯ ସଂଗଠନର ମହାନିର୍ଦ୍ଦେଶକ ଟେଡ୍ରୋସ୍ ଆଧାନମ୍ ଗେବ୍ରେୟେସସ୍ କହିଛନ୍ତି, ଆଫ୍ରିକାରେ ବର୍ତ୍ତମାନ ସଂକ୍ରମଣ ଜାରି ରହିଥିବାବେଳେ ଭବିଷ୍ଯତରେ ଏହି ଟିକା ଗୁରୁତ୍ବପୂର୍ଣ୍ଣ ଭୂମିକା ନେବ। ଏମ୍ପକ୍ସ ସ୍ମଲପକ୍ସ ଭଳି ସମାନ ଭୂତାଣୁ ସୃଷ୍ଟି କରିପାରେ କିନ୍ତୁ ଜ୍ୱର, ଥଣ୍ଡା ଓ ଶରୀରଯନ୍ତ୍ରଣା ଭଳି ସାମାନ୍ୟ ଲକ୍ଷଣ ସୃଷ୍ଟି କରେ। କେତେକାଂଶରେ ଲୋକଙ୍କ ମୁହଁ, ହାତ, ଛାତି ଓ ଯୌନାଙ୍ଗରେ କ୍ଷତ ସୃଷ୍ଟି ହୋଇପାରେ। ବିଶ୍ବ ସ୍ବାସ୍ଥ୍ଯ ସଂଗଠନର ଅନୁମୋଦନ ଅନୁଯାୟୀ ୧୮ ବର୍ଷରୁ ଅଧିକ ବୟସର ଲୋକଙ୍କୁ ଏହି ଟିକାର ଦୁଇ ଡୋଜ୍ ଦିଆଯିବ। ତେବେ ସଂକ୍ରମଣ କ୍ଷେତ୍ରରେ ଶିଶୁ ଓ ବୟସ୍କମାନଙ୍କୁ ଦେବାପାଇଁ ଏହାକୁ ଲାଇସେନ୍ସ ମିଳିନାହିଁ।
