ବିଶ୍ୱରେ ଥମୁନି ମଙ୍କିପକ୍ସ ଆତଙ୍କ, ସତର୍କ ରହିବାକୁ ବିଶ୍ୱ ସ୍ୱାସ୍ଥ୍ୟ ସଂଗଠନ ମୁଖ୍ୟଙ୍କ ପରାମର୍ଶ

ନୂଆଦିଲ୍ଲୀ: ବିଶ୍ୱରେ ଥମୁନି ମଙ୍କିପକ୍ସ ଆତଙ୍କ । ଆକ୍ରାନ୍ତ ସଂଖ୍ୟା ବୃଦ୍ଧି ପାଇଁ ୭୦ ହଜାରରେ ପହଞ୍ଚିଛି । ସେହିପରି ମଙ୍କିପକ୍ସରେ ଏପର୍ଯ୍ୟନ୍ତ ୨୬ ଜଣ ମୃତ୍ୟୁବରଣ କରିଛନ୍ତି । ଦିନକୁ ଦିନ ଏହି ସଂଖ୍ୟା ବଢୁଥିବାରୁ ଉଦବେଗ ପ୍ରକାଶ ପାଇଛି । ବିଶ୍ୱ ସ୍ୱାସ୍ଥ୍ୟ ସଂଗଠନର ସୂଚନା ଅନୁସାରେ ଆମେରିକା ସମେତ ଅନ୍ୟାନ୍ୟ ରାଷ୍ଟ୍ରରେ ସଂକ୍ରମିତଙ୍କ ସଂଖ୍ୟା ବଢୁଛି । ଯଦି ଏହି ଧାରା ଲାଗିରହେ ତେବେ ଆଗକୁ ଅଧିକ ବିପଦ ଆସିବ ବୋଲି ସୂଚନା ଦେଇଛନ୍ତି ସଂଗଠନ ମୁଖ୍ୟ ଅଧନମ ଘେବ୍ରେସିୟସ ।

ବର୍ତ୍ତମାନ ସୁଦ୍ଧା ୨୧ଟି ରାଷ୍ଟ୍ରରେ ମଙ୍କିପକ୍ସ ବ୍ୟାପିଲାଣି ଏବଂ ସେଥିରୁ ୯୦ ପ୍ରତିଶତ ସଂକ୍ରମିତ ରହିଛନ୍ତି ଆମେରିକାର । ସଂକ୍ରମଣ ରୋକିବା ଲାଗି ବିଭିନ୍ନ ରାଷ୍ଟ୍ର ସହ ଆଲୋଚନା ଜାରି ରହିଛି ଏବଂ ଟେଷ୍ଟିଂ କାପାସିଟି ବଢ଼ାଇବା ଲାଗି ଉଦ୍ୟମ କରାଯାଉଛି ବୋଲି ସେ କହିଛନ୍ତି । କେବଳ ଆମେରିକାରେ ୪୨ ହଜାର ଓ ୟୁରୋପରେ ୨୫ ହଜାର ସଂକ୍ରମିତ ଥିବା ସୂଚନା ମିଳିଛି ।