NDRF ତୃତୀୟ ବାଟାଲିୟନରେ ମାଙ୍କଡ଼ର ଉତ୍ପାତ, ୫ ଯବାନ ଆହତ

କଟକ: କଟକ ମୁଣ୍ଡଳୀ ଏନଡିଆରଏଫ୍ ତୃତୀୟ ବାଟାଲିଅନରେ ପାଗଳ ହନୁ ମାଙ୍କଡ଼ର ଉତ୍ପାତ । ୨ ଦିନ ହେବ ପାଗଳ ମାଙ୍କଡ଼ ଉତ୍ପାତ ମଚାଇଛି । ପାଗଳ ମାଙ୍କଡ ଆକ୍ରମଣରେ ୫ରୁ ଅଧିକ ଏନଡିଆରଏଫ୍ ଯବାନ ଆହତ । ସେମାନଙ୍କ ଚିକିତ୍ସା ଜାରି ରହିଛି । ଖବର ପାଇ ଡମପଡ଼ା ବନାଞ୍ଚଳ ଅଧିକାରୀ ପହଞ୍ଚି ମାଙ୍କଡକୁ ଧରିବା ପାଇଁ ଯନ୍ତା ବସାଇଥିଲେ ବି ମାଙ୍କଡଟିକୁ ଧରିବାରେ ସଫଳ ହୋଇନାହିଁନ୍ତି । ଯଦି ମାଙ୍କଡଟି ଜନ୍ତାରେ ନପଡ଼େ ତେବେ ମାଙ୍କଡ଼କୁ ଟ୍ରାଙ୍କୁଲାଇଜ କରାଯିବ ବୋଲି ଡମପଡା ବନାଞ୍ଚଳ ଅଧିକାରୀ ସୂଚନା ଦେଇଛନ୍ତି । ସେପଟେ ମାଙ୍କଡଟିକୁ ତୁରନ୍ତ ଧରାନଗଲେ ଆହୁରି ଯବାନ ଆହତ ହୋଇପାରନ୍ତି ବୋଲି ଆଶଙ୍କା କରାଯାଉଛି ।