ସବୁ ସମ୍ଭବ! ମାଙ୍କଡ଼ ବି କରିପାରେ ଅନଲାଇନ ସପିଂ

‘ମାଙ୍କଡ଼ ହାତରେ ଶାଳଗ୍ରାମ’ । ଓଡ଼ିଆ ଢଗଢମାଳିର ରୁଢିଟି ଅଯୋଗ୍ୟ ଲୋକଙ୍କୁ ଯୋଗ୍ୟ ଭାବି ବିଭିନ୍ନ ଦାୟିତ୍ୱ ବା ଗୁରୁତ୍ୱପୂର୍ଣ୍ଣ ଜିନିଷ ଦେବା ମୁର୍ଖାମୀର ପରିଚୟ ବୋଲି ଦର୍ଶାଯାଇଛି । ହିନ୍ଦୀ ଭାଷାରେ ମଧ୍ୟ ସମାନ ଉଦ୍ଦେଶ୍ୟରେ କୁହାଯାଇଛି ‘ବନ୍ଦର କ୍ୟା ଜାନେ ଅଦ୍ରକ କା ସ୍ୱାଦ’ ।

ମାତ୍ର ଆମେ ଯେଉଁ ମାଙ୍କଡ଼ କଥା କହୁଛୁ ସେ ଉକ୍ତିକୁ ଭୁଲ ପ୍ରମାଣିତ କରିଛି । ମୋବାଇଲ ଚଲାଉଛି, ସପିଂ କରୁଛି । ଏପରିକି ଅନଲାଇନ ସପିଂ କରି ବିଭିନ୍ନ ସାମଗ୍ରୀର ଅର୍ଡର ବି ଦେଇଛି । ଆଶ୍ଚର୍ଯ୍ୟ କଲା ଭଳି ଏ ଘଟଣା ଚୀନ ଜିଙ୍ଗସୁ ସହର ୟେନଜେଙ୍ଗ ସହରର । ଏକ ଚିଡିଆଖାନାର ମାଙ୍କଡ଼ର ଅନଲାଇନ ସପିଂ କରିବା ନେଇ ଏବେ ସବୁଠି ଚର୍ଚ୍ଚା । ମାଙ୍କଡ ମୋବାଇଲ ପାଇବା ପରେ ଅନଲାଇନରେ ସପିଂ କରିଛି ।

ସୂଚନା ଅନୁସାରେ, ଚିଡ଼ିଆଖାନାର କର୍ମଚାରୀ ଏଲ୍‌.ବି ମେଙ୍ଗମେଙ୍ଗ ଚିଡ଼ିଆଖାନାରେ ମାଙ୍କଡ ମାନଙ୍କ ଦେଖାଶୁଣା କରନ୍ତି । ମାଙ୍କଡଙ୍କୁ ଖାଇବାକୁ ଦେବା ବେଳେ, ଭୁଲରେ ସେ ନିଜ ମୋବାଇଲ ଛାଡିଆସିଥିଲେ । ମୋବାଇଲ ପାଇବା ପରେ ମାଙ୍କଡ ଆରମ୍ଭ କରିଥିଲା କାରନାମା । ସପିଂ କରିବା ପରେ ମୋବାଇଲ ଥୋଇଦେଇ ପଳାଇଥିଲା ।

ମେଙ୍ଗମେଙ୍ଗଙ୍କ ମୋବାଇଲରେ ସପିଂ କଂପାନିର ନୋଟିଫିକେସନ ଆସିବା ପରେ ସେ କିଏ ମଜାକରେ ଏସବୁ କରିଥିବ ବୋଲି ସନ୍ଦେହ କରିଥିଲେ । ତେବେ ସିସିଟିଭ ଯାଞ୍ଚ ପରେ ଜଣାପଡିଲା କି ଏସବୁ ଚିଡିଆଖାନାର ସେହି ମାଙ୍କଡ଼ର କାରନାମା ।

ତେବେ ମାଙ୍କଡ ଅର୍ଡର ଦେଇଥିବା ସାମଗ୍ରୀ ଗୁଡିକ ମେଙ୍ଗମେଙ୍ଗ ଆବଶ୍ୟକ ଥିବାରୁ ଅର୍ଡର କ୍ୟାନସେଲ କରିନଥିବା ସୂଚନା ମିଳିଛି ।

')}